قاراعاندىلىق بالۋاندار ەكى ماتچتىق كەزدەسۋدە ا ق ش قۇراماسىنان باسىم ءتۇستى
ءۇش كەزدەسۋدىڭ ەكەۋىندە جەڭىس قاراعاندىلىقتارعا بۇيىردى.
سايىستىڭ بارلىق قاتىسۋشىلارى - ستۋدەنتتەر. قازاقستاندا مۇنداي سپورتتىق شارا العاش رەت بۇعان دەيىن امەريكالىق قارسىلاستارمەن قازاقستاندىقتار تەك ءىرى حالىقارالىق سايىستاردا عانا كۇش سىناسقان ەدى.
قاراعاندىعا كەلگەن ا ق ش سپورتشىلارىنىڭ بارلىعى ۋنيۆەرسيتەت ستۋدەنتتەرى اراسىنداعى چەمپيوناتتاردىڭ جەڭىمپازدارى مەن جۇلدەگەرلەرى. دەلەگاتسيا جەتەكشىسى - دجون پەتەرسون وليمپيادا ويىندارىنىڭ كۇمىس جۇلدەگەرى (ميۋنحەن، 1972 ج.)، مونرەالداعى وليمپيادا ويىندارىنىڭ چەمپيونى (1976 ج.). قوناقتار كومانداسىنىڭ باس جاتتىقتىرۋشىسى - ستيۆ باررەد. ول الەم چەمپيوناتىنىڭ جۇلدەگەرى، ا ق ش بىرىنشىلىكتەرىنىڭ بىرنەشە مارتە جەڭىمپازى.
قاراعاندى وبلىسىنىڭ اتىنان ونەر كورسەتكەن سپورتشىلار قر چەمپيوناتتارىنىڭ جەڭىمپازدارى مەن جۇلدەگەرلەرى بولىپ تابىلادى.
- وسىندا ساپارىمىز كۇردەلى بولدى، ۇزاق ۋاقىت ۇشتىق. مۇنداعى كۇرەس مەكتەبى مىقتى ەكەنىن كورىپ وتىرمىز جانە وسىندا كەلگەنىمىزگە قۋانىشتىمىز. ءبىزدىڭ سپورتشىلار سىزدەردىڭ پالۋاندارمەن جەكپە-جەككە شىعۋ مۇمكىندىگىنە يە بولعانى قانداي جاقسى. ساپارىمىز وسىندا كەلگەن بالۋاندارىمىزدىڭ كوڭىلىنەن شىعىپ وتىر. مەن كەشە فەيسبۋكتە ءبىر بالۋانىمىزدىڭ جازباسىن وقىدىم - ول پاراقشاسىندا «بۇل ءبىر كەرەمەت كەزدەسۋ بولدى» دەپ جازىپتى. نەگىزى ەركىن كۇرەس ا ق ش- تا وتە تانىمال. مەن كاليفورنيادا تۋىپ، ءوستىم. وندا ەركىن كۇرەس بويىنشا 800 مەكتەپ كومانداسى بار. ميچيگاندا، ميننەسوتادا كۇرەس بويىنشا 400-500 كوماندا بار، - دەيدى ا ق ش قۇراماسىنىڭ جاتتىقتىرۋشىسى ستيۆەن باررەد.
قوناقتار قاراعاندىلىق بالۋانداردىڭ وزىندىك ءستيلى بار ەكەنىن اتاپ ايتۋدا. سونداي-اق ولارمەن ءبىر كىلەم ۇستىندە كۇرەسۋ - جاڭا تاسىلدەردى ۇيرەنۋگە تاماشا مۇمكىندىك ەكەنىن ايتادى.
- امەريكالىقتار وزدەرىنىڭ توزىمدىلىگىمەن ەرەكشەلەنەدى، ولاردىق كۇرەس مەكتەبى سونداي. 2015-جىلى الەم چەمپيوناتىندا مەن امەريكالىق پالۋانمەن كۇرەسىپ، ودان جەڭىلىپ قالعان بولاتىنمىن، ال بۇگىن جەڭىسكە جەتىپ وتىرمىن، - دەيدى 2013-جىلعى جاس وسپىرىمدەر اراسىنداعى الەم چەمپيونى، قاراعاندىلىق بالۋان دارحان قالكەنوۆ.
ءۇش ماتچتىق كەزدەسۋ قورىتىندىسى بويىنشا قاراعاندىلىق سپورتشىلار جەڭىسكە قول جەتكىزدى. بۇعان قوسا امەريكادان كەلگەن قوناقتار ۇيلەرىنە دوستىق كۋبوگىن الىپ كەتتى.