قىتايداعى جارىلىسقا كۇدىكتى بىرنەشە ادام ۇستالدى

استانا. قازاقپارات - قىتايدىڭ وڭتۇستىك باتىسىندا ورنالاسقان سىچۋان پروۆينتسياسىنداعى حيميالىق كاسىپورىندا بولعان جارىلىس ءىسى بويىنشا بىرنەشە كۇدىكتى ۇستالدى، دەپ حابارلايدى شينحۋا اگەنتتىگى.

كەلەڭسىز جاعداي وتكەن بەيسەنبىدە كەشكى ساعات 18:00-دە يبين قالاسىنىڭ جيانان ۋەزدىندەگى يانچۋن يندۋستريالدىق پاركىنىڭ عىلىمي-تەحنيكالىق كومپانياسىندا بولعان.

بۇل اپات جايلى بۇدان بۇرىن حابارلانعان ەدى. جارىلىس سالدارىنان 19 ادام قازا تاۋىپ، تاعى 12 ادام جاراقات الدى. ولاردىڭ اقپاراتىنا سەنسەك، زارداپ شەككەن 12 ادامنىڭ ومىرىنە قاۋىپ ءتونىپ تۇرعان جوق.

جەرگىلىكتى بيلىك كەشە تاڭەرتەڭ جارىلىس سالدارىنان تۇتانعان ءورتتىڭ سوندىرىلگەنىن مالىمدەدى. ق ح ر توتەنشە جاعدايلاردى باسقارۋ مينيسترلىگى جارىلىس سەبەپتەرىن انىقتاۋ ءۇشىن وقيعا ورنىنا ارنايى توپ جىبەردى.