ەۋروپا ليگاسى: «ەرتىس» ليتۆادا «تراكايمەن» تەڭ ءتۇستى

استانا. قازاقپارات - ەۋروپا ليگاسى ءبىرىنشى ىرىكتەۋ كەزەڭىندە پاۆلوداردىڭ «ەرتىس» فۋتبول كلۋبى سىرت الاڭدا ليتۆانىڭ «تراكايىمەن» كەزدەستى، دەپ حابارلايدى قازاقپارات ءتىلشىسى.

بۇدان بۇرىن حابارلاعانىمىزداي، «تراكاي» ەۋروكۋبوك ويىندارىندا بىرنەشە مارتە باق سىناعان. وتكەن جىلى ءۇشىنشى كەزەڭگە دەيىن جەتتى. سوندىقتان ولاردىڭ بۇل جولى دا سول جەڭىستى جولدى جالعاستىرۋدى قالايتىنى بەلگىلى ەدى. الاڭ يەلەرى بىردەن-اق شابۋىلعا نازار اۋداردى. وعان قازاقستاندىق كلۋب ويىنشىلارى دا لايىقتى توتەپ بەردى. ليتۆالىق كوماندانىڭ باس باپكەرى حوسە انتونيو ۆيكۋنيا «تراكايدىڭ» نەگىزگى قۇرامىندا شۆەدكاۋسكاس، ەرەمەنكو، نتيكا، كازلاۋسكاس، بيليالەتدينوۆ، وسيپوۆ، شيلەناس، ماسەنزوۆاس، بوروۆسكي، چيجاس، مارازاس سىندى ويىنشىلارعا سەنىم ءبىلدىردى. ال جاقىندا عانا «ەرتىسكە» قايتا ورالعان بولگار مامانى ديميتار دميتروۆ كوماندانىڭ اتالمىش كەزدەسۋگە الىپ بارعان جوق. العاشقى مينۋتتان جاسىل الاڭعا كالمىكوۆ، ستامەنكوۆيچ، كيسليتسىن، كيسلياك، گومەس، كالينين، شميدت، ەسىموۆ، فونسەكا، پوپاديۋك، اۆرەميا سىندى ويىنشىلاردى شىعاردى.

العاشقى مينۋتتاردا قوس كوماندا ءبىر-بىرىمەن الما-كەزەك شابۋىلمەن الماستى. كەزدەسۋدىڭ 10-مينۋتىنا كەيىن الاڭ تورىندە «ەرتىستىڭ» باسىمدىعى اڭعارىلىپ تۇردى. ودان كەيىن دە قازاقستاندىقتار ءتاپ-ءتاۋىر شەبەرلىگىن كورسەتە ءتۇستى. دەسە دە ودان كەيىنگى ساتتەردە الاڭ يەلەرى دە وزدەرىنىڭ قابىلەت- قارىمىن كورسەتە ءبىلدى. ويىننىڭ 30-مينۋتىندا ليتۆالىقتار «ەرتىس» قاقپاسى ماڭىندا قاۋىپتى شابۋىلدار ۇيىمداستىرىپ، ءبىزدىڭ قاقپاشىنى مازالاي باستادى.

ەكىنشى كەزەڭ دە ءدال وسىنداي جاعدايدا وربىگەن ەدى. «ەرتىستىڭ» 86-مينۋتتا گول سوعاتىن مۇمكىندىگى بولدى. تورەشى «تراكاي» قاقپاسىنا پەنالتي بەلگىلەدى. ونى پاۆلودارلىق فۋتبولشى سەرگەي كيسلياك گولعا اينالدىرا المادى. ونىڭ تەپكەن دوبىن «تراكايدىڭ» قاقپاشىسى كەرى قايتاردى. ويىن 0:0 ەسەبىمەن تەڭ اياقتالدى. قارىمتا ويىن 19- شىلدەدە پاۆلوداردا وتەدى.

سونداي-اق، بۇگىن، ساعات 00.00 دە الماتىنىڭ «قايراتى» اندوررانىڭ ەسكالدەس-ەنگوردان قالاسىندا جەرگىلىكتى «ەنگوردان» كومانداسىمەن كەزدەسەدى.

10- شىلدەدە ەۋروپا ليگاسى ءبىرىنشى ىرىكتەۋ كەزەڭىندە قوستانايدىڭ «توبىلى» سىرت الاڭدا گرۋزيانىڭ «سامترەديا» كلۋبىن 1:0 ەسەبىمەن جەڭىپ قايتتى. «توبىل» ەۋروكۋبوك ويىندارىنا بىرنەشە جىل ۇزىلىستەن كەيىن قايتا ورالىپ وتىر.

ال 11- شىلدەدە چەمپيوندار ليگاسىنىڭ ءبىرىنشى كەزەڭىندە ەلوردانىڭ «استانا» كلۋبى چەرنوگوريانىڭ «سۋتەسكا» كلۋبىنان 1:0 ەسەبىمەن باسىم ءتۇستى. وسىلايشا ولار ءوز جانكۇيەرلەرىن تاعى ءبىر مارتە قۋانتتى.