جاپونيادا قازا تاپقاندار اراسىندا قازاقستاندىقتار جوق -س ءى م
جەرگىلىكتى ب ا ق- تىڭ حابارلاۋىنشا، ادام ءولىمى كوپ تىركەلگەن مۇنداي تابيعي اپات كۇنشىعىس ەلىندە سوڭعى 30 جىلدا بولماعان.
«جاپونياداعى تابيعي اپاتتان مەرت بولعاندار مەن جوعالعاندار سانى ارتىپ كەلەدى. وندا قازاقستان ازاماتتارىنىڭ مەرت بولۋى نەمەسە جوعالۋ تۋرالى فاكتىلەر تىركەلگەن جوق. ايتسە دە، قازاقستان كونسۋلدارى تۇگەندەۋ جانە انىقتاۋ جۇمىستارىن جۇرگىزىپ جاتىر»، - دەپ حابارلادى ق ر سىرتقى ىستەر ميينسترلىگىنىڭ رەسمي وكىلى ايبەك سمادياروۆ.
ايتا كەتەيىك، بەيسەنبىدەن باستاپ جاپونيانىڭ باتىس بولىگىندە شىلدە ايىنداعى قالىپتى جاۋىن-شاشىن كولەمىنەن ءۇش ەسە كوپ جاڭبىر جاۋعان. ەكى ميلليون ادام وزەننىڭ ارناسىنان شىعىپ، تاسۋىنا بايلانىستى ەۆاكۋاتسيالانۋعا ءماجبۇر بولدى. قازا تاپقانداردىڭ كوبى حيروسيما پرەفەكتۋراسىندا تىركەلگەن.
9- شىلدە كۇنى مەملەكەت باسشىسى نۇرسۇلتان نازاربايەۆ جاپونيانىڭ پرەمەر-ءمينيسترى سيندزو ابەگە كوڭىل ايتۋ جەدەلحاتىن جولدادى.
«تابيعي اپات سالدارىنان جاقىندارىن جوعالتقان جانە زارداپ شەككەن وتباسىلاردىڭ، سونداي-اق بۇكىل جاپونيا حالقىنىڭ قايعىسىنا ورتاقتاسىپ، كوڭىل ايتامىن»، - دەلىنگەن جەدەلحاتتا.