ەندى ايناسىز دا كولىك جۇرگىزە الاسىز
وسىنداي ەرەكشەلىك ارقىلى تۇتىنۋشىنىڭ نازارىن اۋدارعان كولىك قۇراستىرۋشىلاردىڭ جوسپارى جۇزەگە اسقان سياقتى. جاھان جاڭالىقشىلارى بۇل جاعدايدى جارىسا جازىپ جاتىر. قوس قاپتالداعى اينانىڭ ورنىنا كامەرا ورنالاستىرىلعان. ال ونداعى كورىنىستى كولىكتىڭ ەسىگىندەگى 7 ديۋيمدىك ەكراننان كورەسىز. سونىمەن قوسا، كامەرانىڭ سمارتفونعا ارنالعان قوسىمشاسىن جۇكتەپ تەلەفوننان دا قاراپ وتىرۋعا مۇمكىندىك بار. جاڭا تەحنولوگيا الداعى ۋاقىتتا شىعاتىن Audi E-tron ەلەكتركولىگىنە ەنگىزىلمەك. E-tron بيىلعى جىلدىڭ سوڭىندا نەمەسە 2019 -جىلدىڭ العاشقى ايىندا ساتىلىمعا شىعادى دەپ جوسپارلانعان. Audi كومپانياسىنىڭ وكىلدەرى ءدال وسى كولىكتىڭ نەگىزگى ارتىقشىلىعىن جاريالاپ قانا قويماي بولاشاقتاعى جوسپارلارىمەن دە ءبولىستى. 2020 -جىلى Audi e-tron GT جانە وسى ماركاعا ۇقساس تاعى ءبىر ەلەكتركولىكتى جارىققا شىعاراتىنىن ايتتى.
Massaget.kz