دانيار اقىشەۆ قازاق-وزبەك بانكتەرىنىڭ بايلانىسى تۋرالى ايتتى
«قازاقستاندىق بانكتەردىڭ وزبەك نارىعىنداعى بولاشاعى - ءار قارجىلىق ينستيتۋتتىڭ بيزنەس مودەلىنىڭ ماسەلەسى. حالىق بانكىنىڭ وسى باعىتتا كورسەتىپ جاتقان قىزىعۋشىلىعى باسقا دا بانكتەرگە جول اشاتىنىنا سەنەمىن»، - دەدى دانيار اقىشەۆ جۋرناليستەرگە ق ر ۇلتتىق بانكى مەن وزبەكستان ورتالىق بانكى اراسىنداعى ءوزارا ءىس-قيمىل تۋرالى كەلىسىمگە قول قويۋ بارىسىندا.
ۇلتتىق بانك ءتوراعاسى وزبەكستاندا جۇرگىزىلىپ جاتقان رەفورمالاردى ەسكەرە وتىرىپ، وتاندىق بانكتەرگە سول ەلدە جۇمىس جاساۋ تاجىريبەسىن ۇلعايتاتىنىنا سەنىم ءبىلدىردى.
«نارىقتىڭ كولەمدىلىگى، قارجىلىق قولجەتىمدىلىك، بارلىق فاكتورلار بۇل نارىقتىڭ پەرسپەكتيۆاسى وتە ۇلكەن ەكەنىن كورسەتەدى»، - دەدى ول.
قول قويىلعان قۇجاتقا سايكەس قوس تاراپ بانك سالاسىنداعى وزگەرىستەر مەن رەفورمالار، زاڭ-نورماتيۆتىك رەتتەۋ ماسەلەلەرى بويىنشا اقپارات الماسا الادى.
اتاپ ايتقاندا، قازاقستاندىق بانكتەر بارلىق تالاپتاردان شىعىپ جاتسا، وزبەكستان اۋماعىندا ترانسشەكارالىق ۇيىم قۇرا الادى.