قازاقستاندىق بوكسشىلاردىڭ حالىقارالىق بوكس فەدەراتسياسىنداعى رەيتينگى قانداي؟
بۇل تۋرالى ۆكونتاكتە الەۋمەتتىك جەلىسىندەگى «قازاقستاننىڭ كاسىبي بوكسى» پاراقشاسىندا جازىلدى، دەپ حابارلايدى قازاقپارات.
اتاپ ايتقاندا، ءبىرىنشى ورتا سالماقتاعى قانات يسلام ءبىر پوزيتسياعا تومەندەپ، سەگىزىنشى ورىنعا ورنالاستى. ءوز كەزەگىندە، جارتىلاي ورتا سالماقتاعى جانقوش تۇراروۆ ءوز ديۆيزيونىندا توعىزىنشى ورىننان سەگىزىنشىگە كوتەرىلدى. ال سپورتتىق مانسابىن اياقتاعان اسا جەڭىل سالماقتاعى جانات جاقيانوۆ 13- ورىنعا جايعاستى.
ەسكە سالايىق، وتكەن ايدا IBF قازاقستاندىق بوكسشى گەننادي گولوۆكيندى (38-0-1، 34 ك و) الەم چەمپيونى اتاعىنان ايىرعان بولاتىن.
سپرينگفيلدتە (ا ق ش، نيۋ-دجەرسي شتاتى) وتكەن تىڭدالىمعا گولوۆكين جانە IBF بەكىتكەن ونىڭ مىندەتتى قارسىلاسى ۋكراينالىق سەرگەي دەريەۆيانچەنكو (12-0، 10 ك و) سونىمەن قاتار ەكى سپورتشىنىڭ كومانداسى قاتىستى.
IBF كوميسسياسى ەكى تاراپتى دا تىڭداپ شىعىپ، گەنناديدى IBF بەلدىگىنەن ايىرۋ جونىندە شەشىم قابىلدادى. ويتكەنى ول 3- تامىزعا شەيىن دەريەۆيانچەنكومەن ايقاسۋدان باس تارتقان بولاتىن.