اقسۋات اۋىلىندا قىمىزمۇرىندىق مەرەكەسى اتاپ ءوتىلدى

استانا. قازاقپارات - شىعىس قازاقستان وبلىسىنىڭ اقسۋات اۋىلىندا قىمىزمۇرىندىق مەرەكەسى ءوتتى. وسىمەن ەكىنشى جىل ۇيىمداستىرىلعان شاراعا اۋداننىڭ بارلىق اۋىلدارى قاتىستى.

 ۇلتتىق سۋسىندى ۇلىقتاۋ ءۇشىن 50-گە جۋىق كيىز ءۇي تىگىلگەن. اۋدانداعى 60-تان استام شارۋاشىلىق استا توك داستارحان جايىپ، 500 ليتر قىمىز بەن 100 ليتر شۇباتتى جۇرتقا تەگىن تاراتتى.

مەرەكەگە وراي باسقا دا اۋىل شارۋاشىلىعى ونىمدەرىنىڭ جارمەڭكەسى مەن ءتۇرلى ۇلتتىق قولونەر بۇيىمدارىنىڭ كورمەسى ءوتتى. جالپى تاراباعاتاي اۋدانىندا 30-دان استام شارۋاشىلىق جىل ون ەكى اي بيە بايلاپ قىمىز ساۋادى. ناتيجەسىندە اۋداندا جىلىنا 45 مىڭ ليتر قىمىز، 1 مىڭ 800 ليتر شۇبات دايىندالادى. قىمىزمۇرىندىق مەرەكەسى كەزىندە ءار سالادا تابىستى ەڭبەك ەتىپ اۋداننىڭ دامۋىنا ۇلەس قوسىپ جۇرگەن ازاماتتارعا العىس حاتتار تابىس ەتىلدى.

 ەرجان سابىربايەۆ، تارباعاتاي اۋدانى اكىمىنىڭ ورىنباسارى:

- بۇل ءوسىپ كەلە جاتقان جاستارعا ۇلكەن ءمان- ماڭىزى بار دۇنيە. اۋدانىمزداعى تۇرعىندارىڭ قولونەر بۇيىمدارىن كورسەتتىك. مۇنىڭ ءبارى جاستارعا تاربيە بەرەدى. سوندىقتان جوعارى دەڭگەيدە ۇيىمداستىرىلدى.

www.24.kz