عالىمدار: جالعىزدىق - ولىمگە اكەپ سوقتىراتىن اۋرۋ

بۇل تۋرالى امەريكانىڭ جۇرەك قاۋىمداستىعى حابارلادى، دەپ جازادى Stan.kz اقپاراتتىق اگەنتتىگى.

اعزانىڭ جالپى كۇيىنە بايلانىستى جالعىزدىق ميدىڭ جانە باسقا ىشكى اعزالاردىڭ «توزۋى» مەن ءولىم- ءجىتىمنىڭ 50-70 پايىزىن جوعارىلاتادى.

عالىمداردىڭ پىكىرىنشە، الەۋمەتتىك وقشاۋلاۋ قان قىسىمىنىڭ جوعارىلاۋىن ارتتىرىپ، ادامداردى اگرەسسيۆتى ەتەدى. دارىگەرلەر جالعىزدىقتان كەلگەن ءولىمدى جۇرەك اۋرۋىمەن سالىستىردى.

الەۋمەتتىك وقشاۋلانۋدان جانە جۇرەك- تامىر اۋرۋلارىنان بولاتىن ءولىم- ءجىتىمنىڭ ستاتيستيكاسىنا سۇيەنسەك، جالعىزدىقتا ءومىر سۇرەتىن ادامداردىڭ باسقالارعا قاراعاندا ءۇش جارىم ەسە كوپ كوز جۇماتىنى بەلگىلى بولدى.

سونىمەن بىرگە، بارلىق جاستاعى ادامدار الەۋمەتتىك جالعىزدىققا بەيىم ەكەن. عالىمداردىڭ ايتۋىنشا، بۇل اۋرۋدان 20-دان 80 جاسقا دەيىنگى ادامدار زارداپ شەگەدى. بۇعان دەيىن ءدال وسى بولجامدى كۆينسلەند ۋنيۆەرسيتەتىنىڭ عالىمدارى راستاعان بولاتىن. ولاردىڭ پىكىرىنشە، الەۋمەتتىك ءوزارا ارەكەتتەستىكتىڭ بولماۋى ادامدارعا الكوگول مەن تەمەكىدەن گورى ەكى ەسە زيان.