تۇركيادا پرەزيدەنت پەن پارلامەنت سايلاۋىنىڭ ناتيجەلەرى جاريالاندى
ورتالىق سايلاۋ كوميسسياسىنىڭ باسشىسى اتاپ وتكەندەي، ادىلدىك جانە دامۋ پارتياسىمەن جانە ۇلتتىق ءىس-ارەكەت پارتياسىمەن (MHP) قۇرىلعان - «حالىق اليانسىنان» كانديدات رەتىندە ۇسىنىلعان رەجەپ تايپ ەردوعانعا 26 ميلليون 330 مىڭ 823 (52,59 پايىز) سايلاۋشى داۋىس بەردى.
تۇركيا پرەزيدەنتتىگىنە وزگە كانديداتتاردىڭ جيناعان داۋىستارى كەلەسىدەي: رەسپۋبليكالىق حالىق پارتياسىنان ۇمىتكەر (CHP) مۋحاررەم يندجە - 30,64 پايىز داۋىس؛ İYİ پارتياسىنىڭ كوشباسشىسى مەرال اكشەنەر - 7,29 پايىز داۋىس؛ دەموكراتيالىق حالىق پارتياسىنان ۇمىتكەر (HDP) سەلاحاتتين دەميرتاش - 8,40 پايىز داۋىس؛ Saadet پارتياسىنىڭ ءتوراعاسى تەمەل كاراموللاوگلۋ - 0,89 پايىز داۋىس؛ «وتان» پارتياسىنىڭ كوشباسشىسى دوگۋ پەرينچەك 0,20 پايىز داۋىس جينادى.
تۇركيانىڭ جوعارعى سايلاۋ كوميسسياسىنىڭ ءتوراعاسى پارلامەنتتىڭ 27-شاقىرىلىمىنا بەس پارتيا وتكەنىن ءمالىم ەتتى.
اتاپ ايتقاندا، ادىلدىك جانە دامۋ پارتياسى - 295 ماندات، رەسپۋبليكالىق حالىق پارتياسى - 146، دەموكراتيالىق حالىق پارتياسى (HDP) - 67, ۇلتتىق ءىس-ارەكەت پارتياسى - 49 جانە İYİ پارتياسى 43 ماندات الدى.