الەمنىڭ ۇزدىك فوتوگرافتارى استاناعا ەرەكشە تارتۋ جاسادى
ءبىر اي بويى مالايزيا، سلوۆاكيا، گەرمانيا، تۇركيا، فرانتسيا، يندونەزيا، بەلارۋس، وزبەكستان جانە قازاقستان مەملەكەتتەرىنىڭ فوتوونەر شەبەرلەرى ەلىمىزدىڭ باس قالاسىن سۋرەتكە ءتۇسىرىپ، وزدەرىنىڭ ۇزدىك ەڭبەكتەرىن «نۇرجول» جەلەكجولىندا كوپشىلىك نازارىنا ۇسىنادى. مۇندا 4-31 شىلدە ارالىعىندا «Astana Around Us» فوتوونەر فەستيۆالى وتەدى.
ەكسپوزيتسيا ەكى بولىمنەن تۇرادى: 1-15 - شىلدەگە دەيىن جانە 16-31 - شىلدەگە دەيىن جالپى، كورمەگە يامان يبراگيم (Yaman Ibrahim, مالايزيا) ، راريندا پراكارسا (Rarindra Prakarsa, يندونەزيا) ، دانيەل چونگ (Daniel Cheong, فرانتسيا) ، ارسلان مۇحاممەد ءبىلال (اrslan Muhammed Bilal, تۇركيا) ، اندرەي پۋگاچ (بەلارۋس) ، سەرگەي فەدوروۆ (وزبەكستان) ، رۋزەل ابدۋللا (Ruzely Abdullah, مالايزيا) ، ستەفان شافەر (Stefan Schaefer، گەرمانيا) ، ميروسلاۆ پەتراسكو (Miroslav Petrasko, سلوۆاكيا) ، ۆيكتور ماگدەيەۆ، تۇرار قازانعاپوۆ، يگور يۋگاي جانە ۆالەري اياپوۆ (قازاقستان) سىندى 120 فوتوگرافتىڭ تۋىندىلارى قويىلادى. فەستيۆالگە قاتىسۋشىلاردىڭ بارلىعى ءوز ءىسىنىڭ حاس شەبەرلەرى جانە ءوز ەڭبەكتەرىن ءىرى حالىقارالىق فوتوەكسپوزيتسيالارعا شىعارعان.
«Astana Around Us» فوتوكورمەسىنىڭ قۇرمەتتى قوناعى- «سانكت- پەتەربۋرگ سۋرەتشىلەر وداعى» قوعامدىق بىرلەستىگىنىڭ باسقارما ءتوراعاسى، اكادەميك الەكساندر سايكوۆ.
فەستيۆالدىڭ ماقساتى استانانىڭ ساۋلەتىنە جانە سۇلۋلىعىنا قوعام نازارىن اۋدارۋ جانە جالپى قازاقستاندا فوتوسۋرەت ونەرىن دامىتۋ بولىپ تابىلادى. بۇدان باسقا، فەستيۆال فوتوگرافتاردىڭ ءوزارا تانىسۋ جانە قارىم- قاتىناس الاڭىنا اينالادى. فەستيۆالگە قاتىسقان جۇمىستار اي سوڭىنا دەيىن الاڭدا بولادى.
ەركىن قالدان
«ايقىن»
(سوۆەتبەك ماعزۇموۆ، فوتو)