موبيلدىك قوسىمشا سيريا تۋرالى ايتقان ۇلى بريتانيا قورعانىس ءمينيسترىنىڭ ءسوزىن ءبولدى
21:07, 04 - شىلدە 2018
بريۋسسەل. قازاقپارات - ۇلى بريتانيا قورعانىس ءمينيسترى گەۆين ۋيليامسون پارلامەنتتە بايانداما وقىپ تۇرعان كەزدە Siri موبيلدىك قوسىمشاسى ونىڭ ءسوزىن ءبولىپ تاستادى. Youtube ۆيدەوحوستينگىندە تاراعان وسى روليك قىزۋ تالقىلانىپ جاتىر، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.
گ. ۋيليامسون سيرياداعى جاعداي تۋرالى ايتىپ تۇرعاندا ونىڭ ءتوسقالتاسىنداعى iPhone ماركالى تەلەفونى ىسكە قوسىلىپ كەتكەن.
«مەن «سيريا دەموكراتيالىق كۇشتەرى» ساۋالى بويىنشا ينتەرنەتتەن كەيبىر نارسەلەردى تاپتىم»، - دەپ سايراي جونەلدى Siri.
مينيستر بۇل جاعدايدى كۇلكىمەن جەڭىپ، تىڭداۋشىلارىنان كەشىرىم سۇرادى.