قازاقستان مەن قىتاي حالىقتارىنىڭ يگىلىگى ءۇشىن جۇمىس ىستەۋگە دايىنمىن - شي جينپيڭ
قىتاي حالىق رەسپۋبليكاسىنىڭ ءتوراعاسى شي جينپيڭ نۇرسۇلتان نازاربايەۆتى تۋعان كۇنىمەن قۇتتىقتاي كەلىپ، قازاقستان مەن قىتاي اراسىنداعى ىنتىماقتاستىقتىڭ دامۋ ىرعاعى جوعارى ەكەنىن اتاپ ءوتتى.
«قازاقستان مەن قىتاي - تاتۋ كورشىلەر جانە كوپقىرلى ستراتەگيالىق سەرىكتەستەر. مەن قازاقستان- قىتاي قارىم- قاتىناسىنىڭ دامۋىن جوعارى باعالايمىن جانە سىزبەن بىرلەسە وتىرىپ، ءوزارا قولداۋدى ءارى قاراي نىعايتۋعا، «نۇرلى جول» جاڭا ەكونوميكالىق ساياساتى مەن «ءبىر بەلدەۋ - ءبىر جول» باستاماسى سالاسىنداعى ىنتىماقتاستىقتى تەرەڭدەتۋگە، ەكى ەل حالىقتارىنىڭ يگىلىگى ءۇشىن جۇمىس ىستەۋگە دايىنمىن»، دەلىنگەن جەدەلحاتتا.
* * *
وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ قازىرگى قازاقستاننىڭ بارلىق جوعارى جەتىستىكتەرى، تابىستارى مەن جەڭىستەرى نۇرسۇلتان نازاربايەۆتىڭ اتىمەن تىكەلەي بايلانىستى ەكەنىن اتاپ كورسەتتى.
«ءوزىن تولىقتاي حالقىنا قىزمەت ەتۋگە ارناعان، ەلىنىڭ بولاشاعى مەن ار ازاماتتىڭ تاعدىرى ءۇشىن العاۋسىز الاڭدايتىن ءسىزدىڭ شىن مانىندەگى ادامي جانە ىسكەر قاسيەتتەرىڭىزدىڭ، ادىلەتتى دە تالاپ قويعىش باسشىنىڭ تالانتىنىڭ ارقاسىندا ءسىز تەك قازاقستان مەن ءبىزدىڭ وڭىردە عانا ەمەس، سونداي- اق ودان شالعاي جەرلەردە دە ورىندى قۇرمەت پەن جوعارى بەدەلگە يە بولدىڭىز»، دەلىنگەن جەدەلحاتتا. ش. ميرزيەيەۆ ەكى ەل اراسىنداعى ستراتەگيالىق سەرىكتەستىك ءارى قاراي دا دايەكتىلىكپەن تەرەڭدەيتىنىنە جانە جان- جاقتى نىعاياتىنىنا سەنىم بىلدىرەدى.
* * *
تاجىكستان رەسپۋبليكاسىنىڭ پرەزيدەنتى ەمومالي راحمون نۇرسۇلتان نازاربايەۆتى تۋعان كۇنىمەن قۇتتىقتاپ، ونىڭ قازاقستاننىڭ ءارى قارايعى ءوسىپ- وركەندەۋى مەن پروگرەسى جولىنداعى قىزمەتىنە جاڭا تابىستار تىلەدى.
«تاجىكستاندا ءبىزدىڭ حالىقتارىمىزدىڭ اراسىندا تاريحي قالىپتاسقان دوستىق پەن قۇرمەت ۇدەرىستەرى ۇزدىكسىز دامۋىنا ءسىزدىڭ قوسىپ كەلە جاتقان جەكە ۇلەسىڭىزدى جوعارى باعالايدى. ءبىز جاقىندا بولىپ وتكەن استاناداعى كەلىسسوزىمىز بەن كەزدەسۋىمىز بارىسىندا كوپقىرلى تاجىك- قازاق ىنتىماقتاستىعىن جاڭا ماڭىزدى ۋاعدالاستىقتارمەن نىعايتتىق. ولاردىڭ دايەكتىلىكپەن جۇزەگە اسىرىلۋى ءبىزدىڭ ەلدەرىمىزدىڭ ستراتەگيالىق سەرىكتەستىگىن جانجاقتى بەكەمدەۋدىڭ فاكتورى بولاتىنىنا سەنىمدىمىن»، دەلىنگەن جەدەلحاتتا.
* * *
ءوزىنىڭ قۇتتىقتاۋ جەدەلحاتىندا موڭعوليا پرەزيدەنتى حالتامااگيين باتتۋلگا قازاقستان- موڭعوليا قارىم- قاتىناسىن ى ڭ د ا م ۋ ى ن ا ن ۇ ر س ۇ ل ت ا ن نازاربايەۆتىڭ قوسىپ وتىرعان جەكە ۇلەسىن اتاپ كورسەتكەن. سونداي- اق چيڭداۋ قالاسىنداعى شاڭحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ سامميتى الاڭىندا وتكىزىلگەن ەكىجاقتى كەزدەسۋدىڭ ناتيجەلەرىن وڭ باعالايتىنىن ايتقان.
«مەن ءسىزدىڭ ساۋدا- ەكونوميكالىق ىنتىماقتاستىقتى ءارى قاراي دامىتۋ ءۇشىن بىزدە ۇلكەن مۇمكىندىكتەر بار دەگەن پىكىرىڭىزبەن كەلىسەمىن. ءبىز الداعى كەزدە دە اۋىل شارۋاشىلىعى جانە وڭدەۋ ونەر كاسىبى سالاسىندا بەلسەندى ءوزارا ءىس- قيمىل تانىتۋعا دايىنبىز. سىزگە زور دەنساۋلىق، ال دوستاس قازاقستان حالقىنا ءوسىپ- وركەندەۋ تىلەيمىن!، - دەلىنگەن جەدەلحاتتا.
«ەگەمەن قازاقستان» گازەتى.