قاراعاندىلىق «شاحتەردىڭ» باس باپكەرى قىزمەتىنەن كەتتى
22:02, 03 - شىلدە 2018
قاراعاندى. قازاقپارات - «شاحتەر» فۋتبول كلۋبى 47 جاستاعى بەلارۋستىق مامان ۆلاديمير جۋراۆەلپەن ءوزارا كەلىسىم بويىنشا ەڭبەك شارتىن توقتاتتى، دەپ حابارلايدى قازاقپارات ءتىلشىسى فۋتبول كلۋبىنىڭ باسپا ءسوز قىزمەتىنە سىلتەمە جاساپ.
نەگىزگى كوماندانىڭ باس باپكەرى مىندەتىن اتقارۋشى بولىپ باس باپكەردىڭ اسسيستەنتى اندرەي فينونچەنكو تاعايىندالدى.
«ءبىز ۆلاديمير يۆانوۆيچكە كوماندادا وتكىزگەن ۋاقىتى ءۇشىن العىس ايتامىز جانە ونىڭ مانسابىنا تابىس تىلەيمىز»، - دەلىنگەن حابارلامادا.
16 تۋردان كەيىن «شاحتەر» قازاقستان پرەمەر- ليگاسىنىڭ تۋرنيرلىك كەستەسىندە توعىزىنشى ورىندا تۇر.
ۆلاديمير جۋراۆەل قاراعاندىلىق فۋتبول كلۋبىن 2018 -جىلدىڭ قاڭتار ايىنان باستاپ باسقارعان بولاتىن.