استانادا قازاقستان- تاتارستان بيزنەس فورۋمى ءوتتى
فورۋمدا ەكى ەل اراسىنداعى ەكسپورت مۇمكىندىكتەرىن ارتتىرۋ مەن ەكونوميكانىڭ ءتۇرلى سالاسىن بىرىگىپ دامىتۋ ماسەلەلەرى قارالدى.
«بيزنەس فورۋمعا تاتارستان تاراپىنان 20-دان استام كومپانيا وكىلدەرى قاتىستى، ونىڭ ىشىندە بەلگىلى «تاتارنەفت»، «راريتەك حولدينگ» ا ق، «كاماز»، «قازان تىكۇشاق زاۋىتى» جانە ت. ب. ۇيىمدار بار. قازاقستان تاراپىنان «قازمۇنايگاز»، «Kazakh Invest» ۇ ك، «قازترانسويل» ا ق، ق ر قورعانىس مينيسترلىگى سول سياقتى 80-گە جۋىق ۇيىم وكىلدەرى قاتىسۋدا.
«تاتارستان رەسەي فەدەراتسياسىنىڭ ەكونوميكاسىنداعى باستى كۇرەتامىر بولىپ ەسەپتەلەدى. جاقىندا ەلباسى ن. نازاربايەۆ قازان قالاسىندا ساپارمەن بولدى، بۇل ءوز كەزەگىندە ءوزارا ىنتىماقتاستى ارتتىرۋدىڭ دالەلى. ەكى ەل اراسىنداعى ساۋداعا كەلسەك 2017 -جىلدىڭ ناتيجەسىندە ساۋدا اينىلىمى 1,7 ەسەگە ءوسىپ، 702,9 ميلليوننان اسا ا ق ش دوللارىن قۇرادى، ال 2016 -جىلى 425,3 ميلليون ا ق ش دوللارىن قۇراعان بولاتىن»، - دەدى ق ر ينۆەستيسيالار جانە دامۋ ءمينيسترى جەڭىس قاسىمبەك.
سونىمەن قاتار، مينيستر قازاقستان مەن تاتارستان اراسىنداعى باستى جۇزەگە اسىرىلىپ جاتقان جوبالار رەتىندە مۇناي- حيميا، جەڭىل جانە قورعانىس ونەركاسىبى، تەلەكوممۋنيكاتسيا، ماشينا جاساۋ سالالارىن اتاپ ءوتتى.
بۇگىندە ەكى ەل اراسىندا ترانسپورت سالاسىندا ءبىر جولعا قويىلعانىن ايتا كەتۋ كەرەك، ياعني استانا، الماتى جانە قازان قالالارى اراسىندا تۇراقتى اۋە رەيستەرى قامتىلعان. بۇدان بولەك 2017 -جىلى الماتىدان قازانعا تەمىرجول تارتىلدى.
فورۋم ناتيجەسىندە وسى جىلدىڭ سوڭىنا دەيىن قازان قالاسىندا ەكىجاقتى ساۋدا ميسسياسىن ۇيىمداستىرۋ جانە كەلەسى جىلى تاتارستاندا قازاقستاننىڭ ساۋدا وكىلەتتىگىن اشۋ جوسپارلارى بەكىتىلدى.