دارحان كالەتايەۆ قوعامدىق دامۋ ءمينيسترى بولىپ تاعايىندالدى

استانا. قازاقپارت - مەملەكەت باسشىسىنىڭ جارلىعىمەن دارحان كالەتايەۆ قوعامدىق دامۋ ءمينيسترى قىزمەتىنە تاعايىندالدى، دەپ حابارلايدى اقوردانىڭ باسپا ءسوز قىزمەنتى.

***

د. ا. كالەتايەۆتى قازاقستان رەسپۋبليكاسىنىڭ قوعامدىق دامۋ ءمينيسترى قىزمەتىنە تاعايىنداۋ تۋرالى

دارحان امان ۇلى كالەتايەۆ قازاقستان رەسپۋبليكاسىنىڭ قوعامدىق دامۋ ءمينيسترى بولىپ تاعايىندالسىن، ول قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى قىزمەتىنەن بوساتىلسىن.

قازاقستان رەسپۋبليكاسىنىڭ پرەزيدەنتى ن. نازاربايەۆ

 استانا، اقوردا، 2018 -جىلعى 3 -شىلدە

 № 713

***

دارحان كالەتايەۆ 1972 -جىلعى 10 -قازاندا تۋعان، قازاق، ءبىلىمى جوعارى. شىعىس قازاقستان مەملەكەتتىك ۋنيۆەرسيتەتىن، ۇلتتىق جوعارى مەملەكەتتىك باسقارۋ مەكتەبىن بىتىرگەن.

ماماندىعى بويىنشا تاريحشى-وقىتۋشى، مەملەكەتتىك باسقارۋدىڭ مەنەدجەرى. ساياسات تانۋ عىلىمدارىنىڭ دوكتورى. «قۇرمەت»، «پاراسات» وردەندەرىمەن جانە مەرەكەلىك مەدالدارمەن ماراپاتتالعان.

پرەزيدەنت اكىمشىلىگى باسشىسىنىڭ ورىنباسارى، «نۇر وتان» حالىقتىق-دەموكراتيالىق پارتياسى ءتوراعاسىنىڭ ءبىرىنشى ورىنباسارى، «سامۇرىق-قازىنا» ۇلتتىق ءال-اۋقات قورى» ا ق-نىڭ باسقارۋشى ديرەكتورى بولىپ قىزمەتتەرىن اتقارعان.

قازاقستان رەسپۋبليكاسى پرەزيدەنتىنىڭ جارلىعىمەن پارلامەنت سەناتىنىڭ دەپۋتاتى بولعان.

2018 -جىلعى 4 -ساۋىردەگى ەلباسى جارلىعىمەن قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى بولعان.