دانيار ەلەۋسىنوۆ بوكستان وزگە نەمەن اينالىسقىسى كەلەتىنىن ايتتى

استانا. قازاقپارات - قازاقستاندىق بوكسشى دانيار ەلەۋسىنوۆ (2-0، 1 ك و) اعىلشىن تىلىندە سويلەۋدى ۇيرەنگىسى كەلىپ جۇرگەنىن ايتتى، دەپ حابارلايدى Sports.kz.

«ماعان اعىلشىن ءتىلىن ۇيرەنۋ كەرەك، مەن ونى بىلەمىن. الايدا سونى وقۋعا رينگتە بولىپ جاتقان وقيعالار مۇمكىندىك بەرەر ەمەس. مەن باپكەرىم ارقىلى كەيبىر سوزدەردى تۇسىنەمىن، الايدا اعىلشىن تىلىندە ەمىن-ەركىن سويلەسۋ ءۇشىن ماعان ارنايى وقىتۋشى قاجەت. تۇپتەپ كەلگەندە مەن اعىلشىن تىلىندە جەكەلەگەن سوزدەردى عانا ايتىپ قويماي، ساۋاتتى سويلەي ءبىلۋىم كەرەك»، - دەدى ەلەۋسىنوۆ Boxing Monthly باسىلىمىنا بەرگەن سۇحباتىندا.

وسىعان دەيىن دانيار IFL TV جۋرنالىنا كەلەسى جىلى اعىلشىن تىلىندە اۋدارماشىسىز سۇحبات بەرۋگە ۋادە ەتتى.

ەلەۋسىنوۆ رينگكە 4- تامىز كۇنى قايتا ورالادى. ول كارديففە قالاسىندا (ۋەلس) كەزدەسۋ وتكىزبەك. ەلەۋسىنوۆتىڭ قارسىلاسىنىڭ ەسىمى كەشىرەك بەلگىلى بولادى.