قازاقستاندىق جۇلدىزدار استاناداعى جاڭا سالىنعان امفيتەاتردا ونەر كورسەتەدى

استانا. قازاقپارات - ەسىل وزەنىنىڭ جاعالاۋىنداعى كورىكتى ورىنداردىڭ ءبىرى - امفيتەاتر.

بيىل جازدا استانا تۇرعىندارى مەن قوناقتارى ەلوردامىزدىڭ 20 جىلدىعىنا وراي وسى الاڭدا وتكىزىلەتىن كوپتەگەن شوۋلاردى، سۇيىكتى ارتيستەرىنىڭ، ۇرمەلى اسپاپتار وركەسترلەرىنىڭ ونەرىن تاماشالاي الادى، دەپ حابارلايدى قازاقپارات.

بۇل جەر ەرەسەكتەر ءۇشىن دە، بالالار ءۇشىن دە قىزىقتى شارالار ۇيىمداستىرىلادى. اتاپ ايتقاندا، امفيتەاتردا ينتەراكتيۆتى ويىندار، ءبي ۇجىمدارىنىڭ، جاس انشىلەردىڭ جانە «كەل، شىرقايىق بالاقاي!» كوللەكسياسىن ۇسىناتىن مودەلدىك اگەنتتىكتەردىڭ قاتىسۋىمەن بالالارعا ارنالعان ويىن- ساۋىق باعدارلامالارى ۇيىمداستىرىلادى.

امفيتەاتر ساحناسىنان 29 -ماۋسىم كۇنى كەشكە «استاناعا تارتۋ» كونسەرتىن تاماشالاۋعا بولادى. ۇلتتىق مۋزىكانى باعالاۋشىلار قازاقستاننىڭ اۋماعىندا اشىلعان بەس ءداستۇرلى ءان مەكتەبىنىڭ ۇزدىك 20 ورىنداۋشىسىنىڭ ونەرىن تاماشالايدى. 1 -شىلدەدە كۇندىز اتىراۋ وبلىسىنىڭ ارتىستەرى ەلوردانى قۇتتىقتايدى. ال كەشكە امفيتەاتر الاڭىندا «ءبي شاشۋ» گالا-كونسەرتىمەن III « شاشۋ» حالىق ءبيى انسامبلدەرىنىڭ حالىقارالىق فەستيۆالىنىڭ جابىلۋى وتەدى. شارا ق ر حالىق ءارتيسى، كەڭەستىك جانە قازاقستاندىق بالەت ءارتيسى جانە بالەتمەيستەر زاۋىربەك رايبايەۆتى ەسكە الۋعا ارنالادى.

3 -شىلدەدە ساعات 17.00-دە ساحنا تورىندە «سەرپەر» حالىق اسپاپتارى وركەسترلەرىنىڭ رەسپۋبليكالىق فەستيۆالىنە قاتىسۋشىلار ونەر كورسەتەدى. ولاردىڭ كونسەرتى 4 جانە 5 -شىلدەدە جالعاسىن تابادى. بىرنەشە ساعاتتان كەيىن يۋنەسكو-نىڭ قامقورلىعىمەن وتكەن «The planet of ART» حالىقارالىق فەستيۆالىنىڭ جابىلۋ سالتاناتى بولادى.

5 -شىلدەدە كەشكە ۆەنگريالىق «Kurazsi» ەتنو-بي ءانسامبلى قالا تۇرعىندارىنا مۋزىكالىق تارتۋ جاسايدى.

6 -شىلدەدە كۇندىز بالالارعا ارنالعان «كەل، شىرقايىق، بالاقاي!» كونسەرتتىك باعدارلاماسى وتكىزىلەدى. ال كەشكە قالا تۇرعىندارى مەن قوناقتارى وتاندىق ەسترادا جۇلدىزدارىنىڭ قاتىسۋىمەن وتەتىن ءۇش ساعاتتىق «كەش جارىق، استانا!» مۋزىكالىق مارافونىن تاماشالايدى.

7 -شىلدەدە كىشكەنتاي كورەرمەندەردىڭ نازارىنا «سالەم، استانا!» كونسەرتى ۇسىنىلادى. كەشكە امفيتەاتر ساحناسىندا وسى جازدىڭ ەڭ جارقىن open-air كونسەرتتەرىنىڭ ءبىرى - «ASTANA FM ON AIR»  مۋزىكالىق فەستيۆالى وتەدى. قوناقتار ەلىمىزدىڭ Astana FM جانە Qazaq Radio راديولارىنىڭ ەفيرىنەن ەستىلىپ جۇرگەن حيت اندەردى ورىندايتىن ۇزدىك انشىلەردىڭ ونەرىن تاماشالايدى.

اتاپ ايتقاندا، شاراعا مارجان اراپبايەۆا، دوس، ادام، گۇلنۇر ورازىمبەتوۆا، اعايىندى جۇگىنىسوۆتەر، شاحريزات سەيداحمەت، «دارا»، «امادي» توپتارى جانە باسقالارى قاتىسادى.

كەلەسى كۇنى كەشكە، قازاقستاندىق ەسترادا انشىلەرى «كەش جارىق، استانا!» اتتى كونسەرتتى كوپشىلىك نازارىنا ۇسىنادى.