قازاقستاننىڭ ۇزدىك حوككەيشىسى بەلگىلى بولدى
«قازاقستاننىڭ ۇزدىك حوككەيشىسى» بايقاۋىنىڭ ديرەكتورلار كەڭەسى 2017-2018 -جىلعى ماۋسىمنىڭ لاۋرەاتىن انىقتايتىن ءداستۇرلى ساۋالنامانىڭ قورىتىندىسىن جاريالادى.
داۋىس بەرۋ ناتيجەسىندە «تورپەدونىڭ» جانە قازاقستان قۇراماسىنىڭ شابۋىلشىسى 29 جاستاعى ەۆگەني رىماريەۆ 2017-2018 -ماۋسىمىنىڭ ۇزدىك حوككەيشىسى اتاندى. جەڭىمپاز وسىدان ءتورت جىل بۇرىن بايقاۋدىڭ ءۇشىنشى ورنىنا تابان تىرەگەن بولاتىن.
ەكىنشى ورىندى 22 جاستاعى وسكەمەندىك سەمەن كوشەليەۆ جەڭىپ الدى. حوككەيشى «اۆانگاردتىڭ» قۇرامىندا ق ح ل پلەي-وفف كەزەڭىندە ءوزىن بارىنشا كورسەتە بىلگەن، سونداي-اق، رەسەيدىڭ وليمپيادا قۇراماسىنا شاقىرتۋ العان.
ءۇشىنشى ورىنعا «بارىستىڭ» جانە ۇلتتىق قۇرامانىڭ 32 جاستاعى شابۋىلشىسى رومان ستارچەنكو جايعاستى. ول 2013 جانە 2015 -جىلدارى قازاقستاننىڭ ۇزدىك حوككەيشىسى اتانعان.