اسقار جۇماعاليەۆ شاڭحاي بيلىگىمەن ەكونوميكانى سيفرلاندىرۋ ماسەلەسىن تالقىلادى

شاڭحاي. قازاقپارات - بۇگىن ق ر ۆيتسە-پرەمەرى اسقار جۇماعاليەۆ شاڭحاي قالاسىنىڭ ۆيتسە- مەرى سيۋي كۋنلينمەن كەلىسسوزدەر جۇرگىزدى، دەپ حابارلايدى قازاقپاراتتىڭ قىتايداعى مەنشىكتى ءتىلشىسى.

تاراپتار سمارت-قالالار، ەلەكتروندىق جانە سمارت-ۇكىمەت جۇيەسىندەگى، ەكونوميكا سالاسىنداعى ىنتىماقتاستىقتى دامىتۋدىڭ كەلەشەگى جانە وسى جولداعى تاجىريبەلەرىمەن ءبولىستى.

ا. جۇماعاليەۆ سيۋي كۋنلينگە «سيفرلىق قازاقستان» باعدارلاماسى جايىندا ءتۇسىندىرىپ، شاڭحايلىق كومپانيالاردى قازاقستاندا قۇرىلىپ جاتقان Astana Hub - IT- ستارتاپتارى حالىقارالىق تەحنوپاركىنىڭ جۇمىسىنا اتسالىسۋعا شاقىردى.

ال سيۋي كۋنلين شاڭحايدا شىعاتىن «ۇلكەن كولەمدى دەرەكتەر بازاسىنا» كەڭىنەن توقتالىپ، قالانىڭ كولىكتىك جۇيەسىن باقىلاپ، باسقارۋ تاجىريبەسىمەن ءبولىستى.

ەسكە سالايىق، شاڭحايعا ءبىر كۇندىك جۇمىس ساپارىمەن كەلگەن ا. جۇماعاليەۆ باستاعان قازاقستاندىق دەلەگاتسيا «قازاقتەلەكوم» ا ق قاتىساتىن حالىقارالىق موبيلدىك كونگرەسسكە بارعان بولاتىن. ۆيتسە-پرەمەردىڭ قاتىسۋىمەن قازاقستاندىق وپەراتور جانە Nokia كومپانياسى اراسىندا قازاقستاندا 5G جەلىسىن تەستىلەۋ جونىندەگى مەموراندۋمعا قول قويىلدى.