استانا مەن بەيجىڭ ا ءو س ش ك ۇدەرىسىنىڭ دامۋ كەلەشەگىن تالقىلادى

استانا. قازاقپارات - سىرتقى ىستەر ءمينيسترى قايرات ءابدىراحمانوۆ قىتاي س ءى م ازياداعى ءوزارا ىقپالداستىق جانە سەنىم شارالارى جونىندەگى كەڭەس (ا ءو س ش ك) ماسەلەلەرى جونىندەگى ارنايى توبىنىڭ جەتەكشىسى گۋ جيىپيندى قابىلدادى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

  سۇحبات بارىسىندا ق. ءابدىراحمانوۆ قىتاي حالىق رەسپۋبليكاسىنىڭ ا ءو س ش ك ءتوراعاسى قىزمەتىندەگى (2014-2018 -جىلدار) جۇمىسىن جوعارى باعالادى.

تاراپتار فورۋمداعى ءتوراعالىقتى ق ح ر- دان تاجىكستانعا بەرۋ، كەڭەستىڭ بەسىنشى ءسامميتىن وتكىزۋ ماسەلەلەرىن، سونداي- اق ا ءو س ش ك ۇدەرىسىن ودان ءارى دامىتۋ كەلەشەكتەرىن تالقىلادى.

سىرتقى ساياسي ۆەدومستۆونىڭ باسشىسى كەڭەستەگى ىنتىماقتاستىقتىڭ بارلىق بەس ولشەمى بويىنشا - اسكەري- ساياسي، ەكونوميكالىق، ادامي، ەكولوگيالىق ولشەمدەر جانە جاڭا سىن- تەگەۋرىندەر مەن قاتەرلەر سالاسىندا ءىس جۇزىندەگى ىقپالداستىقتى ۇدەتۋ ماڭىزدىلىعىن اتاپ ءوتتى.

«ا ءو س ش ك 4- شانحاي سامميتىندە ايتىلعان قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ كەڭەس نەگىزىندە ازياداعى قاۋىپسىزدىك جانە دامۋ ۇيىمىن (ا ق د ۇ) قۇرۋ باستاماسىن، سونىڭ ىشىندە «ەكىنشى ترەك» شەڭبەرىندە جۇمىس اتقارۋ ارقىلى حالىقارالىق عىلىمي جانە اكادەميالىق توپتاردى تارتا وتىرىپ، ىسكە اسىرۋ وزەكتى بولىپ قالىپ وتىر. » ، - دەپ قوستى مينيستر.

تاراپتار ا ءو س ش ك شەڭبەرىندەگى ءوزارا ىقپالداستىقتىڭ تيىمدىلىگى مەن ناتيجەلىلىگىن ارتتىرۋ، سونداي- اق فورۋم قۇرامىنىڭ گەوگرافياسىن كەڭەيتۋ بويىنشا جۇمىستاردى جالعاستىرۋ، سىرتقى بايلانىستاردى ۇلعايتۋ، وڭىرلىك جانە حالىقارالىق ىستەرگە كەڭىنەن قاتىسۋ قاجەتتىگى تۋرالى ءبىر پىكىرگە كەلىستى.

ا ءو س ش ك شاقىرۋ تۋرالى تۇڭعىش باستامانى قازاقستان پرەزيدەنتى ن. نازاربايەۆ 1992 -جىلعى 5 - قازاندا ب ۇ ۇ باس اسسامبلەياسىنىڭ 47- سەسسياسى بارىسىندا كوتەرگەن بولاتىن. بۇل باستامانىڭ نەگىزگى ماقساتى - ازياداعى بەيبىتشىلىك پەن قاۋىپسىزدىكتى قامتاماسىز ەتۋ ءۇشىن ءتيىمدى قۇرىلىم قۇرۋ ەدى.

بۇگىنگى تاڭدا كەڭەسكە 26 مەملەكەت مۇشە. ونىڭ جۇمىسىنا 9 مەملەكەت پەن 5 حالىقارالىق ۇيىم بايقاۋشى رەتىندە قاتىسادى. اوسشك حاتشىلىعى استانا قالاسىندا ورنالاسقان.

سول كۇنى ق. ءابدىراحمانوۆ اۆستريا ەلشىلىگى ساۋدا ءبولىمىنىڭ ەكونوميكا ماسەلەلەرى بويىنشا كەڭەسشىسى - "Advantage Austria" اۆستريالىق حالىقارالىق ساۋدا اگەنتتىگى قۇرعان، العاش رەت الماتىدا اشىلعان وفيستىڭ باسشىسى ميحاەل ميۋللەردى قابىلدادى. كەزدەسۋ بارىسىندا ساۋدا ءبولىمىنىڭ قازاقستان- اۆستريا بايلانىستارىن تەرەڭدەتۋ ىسىنە قوسقان ۇلەسى اتاپ ءوتىلدى. ساۋدا ءبولىمىنىڭ قولداۋىمەن استانادا 27-28 - ماۋسىمدا قازاقستان- اۆستريا ايماقتار فورۋمى ءوتىپ جاتىر.