بۇگىن - بايلانىس جانە اقپارات قىزمەتكەرلەرىنىڭ كۇنى
قاسىم- جومارت توقايەۆ مادەنيەت قايراتكەرلەرىنە ت م د پ ا ماراپاتتارىن تابىس ەتتى «قازاقپارات» ساراپشىسى «پارلامەنت ءسوزى» سىيلىعىمەن ماراپاتتالدى.
اۋەلدە تاۋەلسىز قازاقستاننىڭ جۋرناليستيكاسى كۇنى 10 - مامىردا اتاپ ءوتىلىپ كەلدى. سەبەبى 1870 -جىلى ءدال وسى كۇنى قازاق تىلىندەگى العاشقى باسىلىم - «تۇركىستان ءۋالاياتى» گازەتىنىڭ العاشقى سانى جارىق كورگەن ەدى.
1997 -جىلى بۇل داتا وزگەرتىلىپ، جۋرناليستەردىڭ كاسىبي مەرەكەسى ب ا ق تۋرالى قازاقستاندىق العاشقى زاڭ شىققان كۇن 28 - ماۋسىمعا بەلگىلەندى. ول «باسپا جانە وزگە دە بۇقارالىق اقپارات قۇرالدارى تۋرالى» قا ز ك س ر زاڭى دەپ اتالدى. سول جىلدان باستاپ تىلشىلەر مەرەكەسى ماۋسىمنىڭ سوڭعى جەكسەنبىسىندە اتاپ ءوتىلىپ كەلدى.
2011 -جىلدىڭ قازانىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ەلىمىزدەگى كاسىبي جانە باسقا دا مەرەكەلەر ءتىزىمىنىڭ جاڭا رەداكسياسىن ماقۇلدادى. وعان سايكەس، 28 - ماۋسىم بايلانىس جانە اقپارات قۇرالدارى قىزمەتكەرلەرى كۇنى بولىپ بەكىتىلدى.
مەرەكەدەن تىس ەلىمىزدە تىلشىلەر اراسىندا جىل سايىن دارەجەلى بايقاۋلار جاريالانىپ، ءتورتىنشى بيلىك ەل دامۋىنا وزىندىك ۇلەسىن قوسىپ كەلەدى.
وسىناۋ مەرەيلى مەرەكەدە «قازاقپارات» حالىقارالىق اگەنتتىگى بارشا ارىپتەستەردىڭ ەڭبەگىنە تابىس تىلەيدى. قالامدارىڭىز قارىمدى بولسىن!