ماسكەۋدە «قازاقستان» پاۆيلونىنىڭ تاريحي ءبولىمى اشىلادى
بۇل تۋرالى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپاراتتىڭ مەنشىكتى ءتىلشىسى.
اتالمىش كەشەندى قايتا جوندەۋ جۇمىستارى ق ر پرەزيدەنتى نۇرسۇلتان نازاربايەۆتىڭ تاپسىرماسىمەن جۇرگىزىلدى.
قازىرگى تاڭدا «قازاقستان» پاۆيلونىندا بۇرىن-سوڭدى بولماعان وزگەرىستەر جاسالۋدا. قايتا قالپىنا كەلتىرۋ جانە مۋزەيلەندىرۋ پروتسەسى قازاقستان ۇكىمەتىنىڭ، تىكەلەي پرەمەر-ءمينيستردىڭ ءبىرىنشى ورىنباسارى اسقار ماميننىڭ باقىلاۋىندا بولدى. ال قۇرىلىس جۇمىستارى رەسەيدەگى قازاقستان ەلشىلىگىنىڭ قولعابىس ەتۋىمەن جۇرگىزىلدى.
ايتا كەتۋ كەرەك، جوبا بيۋجەتتەن تىس قاراجات ەسەبىنەن ىسكە اسىرىلۋدا. قارجىنى قازاقستاندىق كومپانيالار بولگەن.
قازاقستاندىق پاۆيلون ۇلتتىق شارۋاشىلىق جەتىستىكتەرى كورمەسىندەگى ەڭ اسەم عيماراتتاردىڭ ءبىرى بولاتىنى كۇتىلۋدە. بۇل قازاقستانعا تۋريستەردى تارتۋعا جانە ۇلتتىق مادەني مۇرالاردى ناسيحاتتاۋعا ارنالعان ەرەكشە ورىن بولماق.