وداق مۇنداي قادام ا ق ش كونستيتۋتسياسىنا قايشى كەلەتىنىن ايتادى.
«پرەزيدەنت ترامپتىڭ ۇسىنعانى زاڭسىز ءارى كونستيتۋتسياعا قايشى. انت قابىلداپ، كونستيتۋتسيا مەن زاڭدى ساقتاۋعا ۋادە بەرگەن رەسمي تۇلعا انتىنان اپەللياتسياسىز باس تارتا المايدى» دەلىنگەن وداق مالىمدەمەسىندە.
ا ق ش- تا كوپ جىلدان بەرى زاڭسىز كەلگەن يمميگرانتتاردىڭ ءىسى سوتتا قارالىپ ءجۇر. ترامپتىڭ بۇل قۇقىقتىق تاجىريبەنى توقتاتۋ ۇسىنىسىنا ا ق ش كونگرەسى قاتتى قارسىلىق تانىتۋى مۇمكىن.
وسى اپتادا كونگرەسستىڭ رەسپۋبليكاشىلدار باقىلايتىن وكىلدەر پالاتاسىندا يمميگراتسيالىق ساياساتتى كەشەندى تۇردە رەفورمالاۋ بويىنشا داۋىس بەرۋ وتەدى. «امەريكا داۋىسى» راديوسىنىڭ حابارلاۋىنشا، وتكەن اپتادا قارالعان رەفورمانىڭ اناعۇرلىم قاتاڭ نۇسقاسى جەتكىلىكتى داۋىس جيناي الماعان.
ا ق ش قورعانىس ءمينيسترى دجيم مەتتيس قىتايعا ساپارلاپ بارا جاتقان جولىندا جۋرناليستەرگە پەنتاگون ەكى اسكەري بازادا يمميگرانتتارعا ۋاقىتشا باسپانا سالۋ ءۇشىن ىشكى قاۋىپسىزدىك مينيتسرلىگىمەن تىعىز جۇمىس ىستەيتىنىن ايتقان. ءبىراق مەتتيس ناقتى قانداي بازادا ۋاقىتشا تۇراق سالىناتىنىن ايتپادى.
ىشكى قاۋىپسىزدىك مينيسترلىگى شەكارادا اتا-اناسىنان اجىراتىلعان 2053 بالانىڭ قايدا ەكەنىن بىلەتىنىن، قازىر ولاردى اتا-اناسىنا قوسۋ جۇمىستارى ىستەلىپ جاتقانىن حابارلاعان. ۆەدومستۆونىڭ 24- ماۋسىمدا حابارلاۋىنشا، 522 بالا ەندىگى اتا-اناسىنا قوسىلعان، ال كوپشىلىگى باسقا وتباسىلارمەن وزدەرىنە بوسقىن مارتەبەسىن بەرۋ تۋرالى سوت تىڭداۋىن كۇتىپ جاتىر.
«ازاتتىق»