عالىمدار: كۇن داۋىلى بۇكىل جەر بەتىندەگى تەلەفونداردى جويىپ جىبەرۋى مۇمكىن
بۇل تۋرالى Business Insider حابارلادى، دەپ جازادى Stan.kz اقپاراتتىق اگەنتتىگى.
عالىمدار سونداي-اق ادامزات مۇنداي قۇبىلىستارعا قارسى ارەكەت ەتۋ مەن قورعاۋعا ارنالعان ءتيىمدى قۇرالداردى اقىرى جاساي المادى دەپ اتاپ ءوتتى.
زەرتتەۋشىلەر كۇن بەلسەندىلىگىنىڭ تومەندەۋىنە قاراماستان، مۇنداي شىعارىلىمنىڭ سالدارى اپاتتى بولۋى مۇمكىن دەپ، دابىل قاعۋدا.
ولاردىڭ ايتۋىنشا، جاڭا گەوماگنيتتىك داۋىل 1859 -جىلى بۇكىل الەم بويىنشا تەلەگرامما مەن راديو بايلانىسىنىڭ بۇزىلۋىنا سەبەپ بولعان قۇبىلىستاردان دا الدەقايدا كۇشتى.
عالىمدار ادامزات ەلەكتروندىق جۇيەلەر مەن سپۋتنيكتەرگە تاۋەلدى بولعاندىقتان، قاتتى داۋىلدان تۋىنداعان زالال شامامەن 2 تريلليون دوللارعا جەتۋى مۇمكىن دەپ سانايدى. ولار تاريحتاعى ەڭ قۋاتتى ەلەكتروماگنيتتىك داۋىلدىڭ قۇرباندارى بايلانىس پەن ناۆيگاتسيانىڭ سپۋتنيكتەرى عانا ەمەس، سونداي- اق قاراپايىم ەلەكتروندى قۇرىلعىلار دا جارىلىستىڭ قۇربانى بولادى دەيدى.