سالتاناتتى شارا بارىسىندا وبلىس اكىمى بەردىبەك ساپاربايەۆ جوبانىڭ جەرگىلىكتى تۇرعىنداردى ساۋىقتىرۋعا جانە وبلىس ءتۋريزمىنىڭ دامۋىنا وڭ اسەرىن تيگىزەتىنىنە سەنىم ءبىلدىردى.
«مەن وسىندا تەك اقتوبەلىكتەر عانا ەمەس، سونداي-اق قازاقستان مەن رەسەيدىڭ كورشىلەس وڭىرلەرىنىڭ تۇرعىندارى دا كەلەدى دەپ ويلايمىن. قازىرگى زامانعى پانتومەن ەمدەۋ شيپاجايىنىڭ اشىلۋى - ءداستۇرلى ەمەس اۋىل شارۋاشىلىعى مەن تابىستى ايماقارالىق ىنتىماقتاستىقتى بەلسەندى دامىتۋدىڭ ايعاعى. ءبىز اگرارلىق سەكتوردا وبلىس ءۇشىن تاڭسىق ءوندىرىستىڭ تۇرلەرىن قولداۋ ارقىلى ەكونوميكانىڭ بۇرىن يگەرىلمەگەن الەۋەتىن پايدالانىپ، ەڭ باستىسى - ازاماتتارىمىزدى ءوز ءوندىرىسىمىزدىڭ پايدالى ونىمدەرىمەن قامتاماسىز ەتەمىز»، - دەپ اتاپ ءوتتى بەردىبەك ساپاربايەۆ.
سونىمەن قاتار، ايماق باسشىسى جەرگىلىكتى بيلىك ءداستۇرلى ەمەس اۋىل شارۋاشىلىعىمەن اينالىساتىن ا و ك سۋبەكتىلەرى ءۇشىن تولىق قولداۋ كورسەتەدى دەپ سەندىردى.
ايتا كەتەيىك، مەملەكەتتىك قولداۋ شارالارىنىڭ ءبىرازى بۇعى مۇيىزىمەن ەمدەيتىن ەمحانا- شيپاجايدىڭ ەكى قاباتتى عيماراتىنىڭ قۇرىلىسى مەن ونىڭ جانىندا جۇمىس جاساپ جاتقان مارال ءوسىرۋ فەرماسىنا دا قولدانىلدى. جەرگىلىكتى ورگاندار قازان اۋىلىنا جاقىن ماڭداعى فەرماعا 700 گەكتار جانە شيپاجايعا تاعى 1 گەكتار جەر بولگەن. كاسىپكەرلىكتى ءبىرىڭعاي قولداۋ مەن دامىتۋدىڭ «ب ج ك-2020» باعدارلاماسى اياسىندا پايىزدىق ستاۆكانى سۋبسيديالاۋ ارقىلى 150 ميلليون تەڭگە كولەمىندە قارىز قاراجاتى بەرىلدى. جوبانىڭ جالپى قۇنى - 450 ميلليون تەڭگە.
شيپاجايعا شىعىس قازاقستان وبلىسىنان اكەلىنگەن 150-دەن اسا مارال اكەلىنەدى. فەرمادا بارلىعى 30 ادام ەڭبەك ەتپەك. كەلەشەكتە مارال ءمۇيىزىنىڭ نەگىزىندە بيولوگيالىق قوسپالار شىعارۋ جوسپاردا بار.
شيپاجايدىڭ العاشقى كەلۋشىلەرى 25 -ماۋسىمدا كەلەدى دەپ كۇتىلۋدە. پانتوتەراپيا كۋرسىنىڭ ۇزاقتىعى 5-10 كۇن.