سيرەك كەزدەسەتىن جادىگەر: ارحەولوگتار مىڭ جىلدىق تاريحى بار تۇمار تاۋىپ الدى

 استانا. قازاقپارات - يەرۋساليم جەرىندە ارحەولوگتار مىڭ جىلدىق تاريحى بار سيرەك كەزدەسەتىن تۇمار تاۋىپ الدى.

بۇل تۋرالى «گورودداۆيدا» ۇلتتىق ساياباعىنىڭ باسپا ءسوز قىزمەتى  حابارلايدى.

باسىلىمدا حابارلانعانداي، ارابشا جازۋلارى بار بالشىقتان جاسالعان تۇماردىڭ ۇزىندىعى 1 سانتيمەتر بولادى. تۇمارعا ەكى دۇعا جازىلعان، ونىڭ ءبىرى كارىم دەگەن بەلگىسىز بىرەۋگە ارنالىپتى: «كارىم اللاعا سەنەدى» جانە «اللا - بۇكىل عالامنىڭ ءامىرشىسى».

مامانداردىڭ سوزىنشە، تۇمار دۇعا جانە بالە-جالادان قورعانۋ ءۇشىن قولدانىلعان. بۇل جادىگەر كىشكەنتاي بولمەدەگى سىلاقتار قاباتىنىڭ اراسىنان تابىلعان.

بۇعان دەيىن وسى ماڭنان ونەركاسىپ كەشەنىنىڭ ورنى تابىلعان. ەندىگى تابىلىپ وتىرعان تۇماردىڭ وسى كەشەنگە قاتىسى بار بولۋى مۇمكىن.

زەرتتەۋشىلەردىڭ توپشىلاۋىنشا، تۇماردا ءجىپ وتكىزۋگە ارنالعان تەسىك بولماعاندىقتان، ونى يەسى وزىمەن بىرگە نەمەسە قانداي دا ءبىر زاتقا سالىپ الىپ جۇرگەن.

 Stan.kz