بۇگىن تاڭدا كانادانىڭ شاۆينگان قالاسىندا وتكەن جەكپە-جەكتە ول مەكسيكا وكىلى گيلەرمو رومەرومەن كۇش سىناستى. بۇرىن جارتىلاي اۋىر سالماقتا ونەر كورسەتكەن سابىروۆ وسى جەكپە- جەك ءۇشىن ارنايى ەكىنشى ورتا سالماققا تۇسكەن بولاتىن.
سەگىز راۋندقا شاقتالعان كەزدەسۋ مەرزىمىنەن بۇرىن اياقتالدى. العاشقى ءۇش راۋند بويى ءبىر قالىپتى باسىمدىقپەن جۇدىرىقتاسىپ وتىرعان ن. سابىروۆ ءتورتىنشى راۋندتا بىردەن قارقىنىن ارتتىردى. قارسىلاسى ونىڭ وسى قىسىمىنا توزە الماي، جەكپە-جەكتى جالعاستىرا المايتىنىن ءبىلدىردى. نۇرزات سابىروۆتىڭ ەسەبىنە تەحنيكالىق نوكاۋت جازىلدى.
ن. سابىروۆ وسىمەن جەتىنشى جەڭىسىنە قول جەتكىزسە، مەكسيكالىق بوكسشى جەتىنشى رەت جەڭىلىپ وتىر. بۇدان تىس ول 12 كەزدەسۋدى جەڭىسپەن اياقتاعان.
ەسكە سالا كەتەيىك، وسى بوكس كەشىندە تاعى ءبىر قازاقستاندىق بوكسشى سادريددين احمەدوۆ تا قارسىلاسىن نوكاۋتپەن جەڭگەن بولاتىن.