مەنى ءولدى دەگەن اقپاراتقا سەنبەڭىزدەر - ديماش قۇدايبەرگەن
10:02, 17 - ماۋسىم 2018
استانا. قازاقپارات - تانىمال قازاقستاندىق ءانشى ديماش قۇدايبەرگەن ءوزىنىڭ ولگەنى تۋرالى اقپاراتتى جوققا شىعاردى، دەپ حابارلايدى قازاقپارات ءتىلشىسى.
«سەنبەڭىزدەر ولارعا. مەن ءتىرىمىن. تۋىستارىم ينتەرنەتتە مۇنى كورسە قايعىعا باتادى عوي. بارشاعا باقىت تىلەيمىن. ەندىگارى بۇلاي ىستەمەڭدەر، دوستار»، - دەپ جازدى يماش ينستاگرامداعى پاراقشاسىندا.
ءانشى «ديماشتى ماشيناسىندا قان-جوسا عىپ ءولتىرىپ كەتتى» دەگەن جازبانىڭ سكرين-شوتىن دا سالعان.
جازبادا جالعان اقپاراتتىڭ دەرەككوزى كورسەتىلمەگەن. ديماشتىڭ وسى جازباسى بىرنەشە ساعاتتا 15 مىڭ ءلۇپىل، مىڭداعان پىكىر جيناپ ۇلگەردى.