ءبىز اەروبيكانىڭ، كلاسسيكالىق اۋەننىڭ ەستە ساقتاۋعا سەپتىگى تيەتىنىن جانە جادتى جاقسارتاتىن تاعام تۇرلەرىن ايتقان بولاتىنبىز. ەندىگى كەزەكتە بالالاردىڭ ەستە ساقتاۋ قابىلەتىن قالىپتاستىراتىن ويىن تۇرلەرىن ۇسىنامىز. «مەن قاپشىققا سالدىم» بۇل ويىندى بالالارمەن جول ءجۇرۋ كەزىندە ويناۋعا بولادى. ەرەسەك بالا ويىندى باستايدى دا، «مەن قاپشىققا الما سالدىم» دەيدى. كەلەسى ويىنشى «مەن قاپشىققا الما سالدىم» دەگەن ءسوزدى قاتالايدى جانە ءاربىر ءسوز قوسىلادى. «مەن قاپشىققا الما جانە ورىك سالدىم» . 3-ويىنشى بارلىق سويلەمدى قايتالاپ، ول دا ءبىر ءسوز قوسادى. «مەن قاپشىققا الما، ورىك، قانت سالدىم» . ويىن وسىلاي جالعاسا بەرەدى.
«اتامنىڭ باقشاسىندا وسەدى» بۇل ويىن دا ءبىرىنشى ويىن ەرەجەسىمەن جۇرگىزىلەدى. ەرەسەك بالا «اتامنىڭ باقشاسىندا قاۋىن وسەدى» دەپ باستايدى. كەلەسى بالا وسى ءسوزدى تولىق قايتالاي وتىرىپ، ول ءوز ويىنان تاعى ءبىر ءسوزدى قوسادى. ويىن وسىلاي جالعاسا بەرەدى. قورىتىندى: بۇل ويىندا كىمنىڭ جەڭگەنى، كىمنىڭ جەڭىلگەنى ماڭىزدى ەمەس. بالانىڭ ويىنعا قىزىعۋشىلىعىن ارتتىرا وتىرىپ، ەستە ساقتاۋ قابىلەتىن جەتىلدىرۋ كەرەك. پيكتوگرامما جاناما ەستە ساقتاۋدى زەرتتەۋ ءادىسى. سىنالۋشىلاردىڭ سۋرەتتەرىن تالداۋ نەگىزىندە ورىندالۋ تۇرلەرىن انىقتاۋ. جاناما ەستە ساقتاۋدىڭ ناتيجەلىلىگىن باعالاۋ ءۇشىن قايتا جاڭعىرتىلعان سوزدەر مەن ءسوز تىركەستەرىنىڭ سانىن دۇرىس انىقتاۋ.
پيكتوگرامما ءادىسى ۆىگوتسكيدىڭ «ەستە ساقتاۋدىڭ جانامالىق تابيعاتى» تۋرالى يدەياسىنا نەگىزدەلسە، ال لۋريا بۇل ءادىستى ميميكالىق پراكتيكاعا ەنگىزدى. بۇل ادىستەمەنىڭ ءمانى «ءسوز- بەينە» جۇيەسى قىزمەتىنىڭ ەرەكشەلىگىن اشۋعا، ەستە ساقتاۋدى قۇرال رەتىندە پايدالانا بىلۋگە كومەكتەسەدى. ادىستەمەنى توپپەن نەمەسە جەكە وقۋشىمەن جۇرگىزۋگە بولادى. ادىستەمەنىڭ وتكىزىلۋى زەرتتەۋشىلەرگە تازا قاعاز جانە قالام بەرىلەدى. ەستە ساقتاۋ ءۇشىن سوزدەر جانە ءسوز تىركەستەرى ۇسىنىلادى. سوزدەر كوپ بولعاندىقتان بىردەن ەستە ساقتاۋ قيىن. سوندىقتان ءار ءسوز ايتىلعاننان كەيىن سول ءسوزدى ەسكە تۇسىرەتىندەي ءبىر بەينەنى سالۋلارىڭىز كەرەك. سۋرەت ساپاسىن ەشكىم باعالامايدى. ونى ءسىز ەستە ساقتاۋدى وڭايلاتۋ ماقساتىندا ورىندايتىنىڭىزدى ۇمىتپاڭىز. ءار بەينە ايتىلعان ءسوزدىڭ نومىرىنە سايكەس كەلۋى كەرەك. نۇسقاۋدى تۇسىندىرگەننەن كەيىن 30 سەكۋند ۋاقىت ينتەرۆالىندا ءار ءسوز كەزەك- كەزەك وقىلادى. ءار ءسوزدىڭ الدىندا رەتتىك ءنومىرى ايتىلۋى كەرەك.
Massaget.kz