سىرتقى ىستەر مينيسترلىگىنىڭ بۇرىنعى جاۋاپتى حاتشىسى پارامەن ۇستالدى
«وتكەن اپتادا سىبايلاس جەمقورلىققا قارسى ۇلتتىق بيۋروسى ق ر سىرتقى ىستەر مينيسترلىگىنىڭ بۇرىنعى جاۋاپتى حاتشىسى قاراشەۆتىڭ ءىرى كولەمدە پارا الۋ فاكتىلەرى بويىنشا قىلمىسىن اشكەرەلەدى. جاۋاپتى مەملەكەتتىك لاۋازىمدى اتقارا وتىرىپ، ول مينيسترلىكتىڭ ۆەدومستۆولىق باعىنىستى ۇيىمداردىڭ باسشىلارى ساكەنوۆانىڭ، نۇرەكەنوۆتىڭ، جۇماسانوۆانىڭ زاڭعا قايشى ارەكەتتەرىن جاسىرىپ جۇرگەن. سول ءۇشىن قاراشەۆ ولاردان 10 ميلليون تەڭگە كولەمىندە زاڭسىز سىياقىنى جۇيەلى تۇردە الىپ وتىرعان. ءوز كەزەگىندە ساكەنوۆا، نۇرەكەنوۆ جانە جۇماسانوۆ قىلمىستىق سحەمانى ۇيىمداستىرا وتىرىپ، مينيسترلىك ءۇشىن قىزمەتتەر كورسەتۋگە شارتتار جاساعانى جانە ولاردى كەدەرگىسىز قابىلداعانى ءۇشىن كاسىپكەرلەردەن 20 ميلليون تەڭگەدەن استام پارا العان»، - دەدى اگەنتتىكتىڭ رەسمي وكىلى ن. جاحين استانادا وتكەن باسپا ءسوز ءماسليحاتىندا.
ونىڭ ايتۋىنشا، قازىرگى كەزدە التى ادام قىلمىستىق جازاعا تارتىلىپ وتىر. سوتتىڭ سانكسياسىمەن قاراشەۆ پەن نۇرەكەنوۆ قاماۋعا الىندى. ال ساكەنوۆاعا قاتىستى ءۇيقاماققا الۋ تۋرالى بۇلتارتپاۋ شاراسى قولدانىلدى.