قۇجاتتا پرەزيدەنت ترامپ پەن كيم چەن ىننىڭ «ا ق ش پەن سولتۇستىك كورەيا اراسىندا جاڭا قارىم- قاتىناس ورناتۋ جانە كورەي تۇبەگىندە شىنايى ءارى ۇزاق مەرزىمدى بەيبىتشىلىك ورناتۋ ماسەلەلەرى بويىنشا جان- جاقتى، تەرەڭ ءارى شىنايى پىكىر الماسقانى» ايتىلادى.
«پرەزيدەنت ترامپ سولتۇستىك كورەيانىڭ قاۋىپسىزدىگىنە كەپىلدىك بەرۋگە مىندەتتەمە الدى، ءتوراعا كيم چەن ىن كورەي تۇبەگىن يادرولىق قارۋدان تولىق ارىلتۋ ۇستانىمىنان تايمايتىنىن راستادى» دەلىنگەن قۇجاتتا.
دەكلاراتسيا ا ق ش پەن سولتۇستىك كورەيانىڭ كورەي تۇبەگىندە ورنىقتى بەيبىتشىلىك ورناتۋدا كۇش بىرىكتىرەتىنى، پحەنياننىڭ 2018 -جىلى 27 - ساۋىردە قابىلداعان پحانمۋندجوم دەكلاراتسياسى نەگىزىندە تۇبەكتى يادرولىق قارۋدان تولىق ارىلتۋ ماقساتىندا ارەكەت ەتۋدى مىندەتىنە الاتىنى ايتىلادى.
بۇدان وزگە، ا ق ش پەن سولتۇستىك كورەيا اسكەري تۇتقىندار مەن ءىز- ءتۇزسىز جوعالعانداردىڭ مۇردەلەرىن ىزدەۋ جانە ولاردى انىقتاۋ جۇمىستارىن بىرگە ىستەۋگە جانە انىقتالعان ادامداردىڭ مۇردەلەرىن قايتارۋعا مىندەتتەمە الدى.
قۇجاتتا ەكى ەلدىڭ دەكلاراتسيا تالاپتارىن ورىنداۋعا بىردەن كىرىسەتىنى جانە تاياۋ ۋاقىتتا ا ق ش مەملەكەتتىك حاتشىسى مايك پومپەو مەن سولتۇستىك كورەيانىڭ جوعارى شەندى شەنەۋنىگى كەلىسسوزدى ودان ارى جالعاستىراتىنى ايتىلعان.
دونالد ترامپ پەن كيم چەن ىن 12 - ماۋسىمدا سينگاپۋردىڭ سەنتوسا ارالىندا بىرىنشە رەت كەزدەسىپ، كورەي تۇبەگىن يادرولىق قارۋدان ارىلتۋ ماسەلەسىن تالقىلادى.
www.azattyq.org