ەلباسى قازاقستاننىڭ مەملەكەتتىك قارىزى كوپ دەيتىندەرگە جاۋاپ بەردى

چيڭداۋ. قازاقپارات - قازاقستاننىڭ مەملەكەتتىك قارىزى الەم بويىنشا ەڭ تومەن.

بۇل تۋرالى كەشە قىتايعا مەملەكەتتىك ساپارىن قورىتىندىلاپ، قازاقستاندىق ب ا ق وكىلدەرىنە سۇحبات بەرگەن ق ر پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«بۇكىل الەم بويىنشا ءبىزدىڭ مەملەكەتتىك قارىزىمىز ەڭ تومەن. امەريكالىقتاردىڭ قارىزى 14 تريلليون دوللارعا تەڭ. بۇل ىشكى جالپى ونىمنەن دە جوعارى. گەرمانيا قارىزى جالپى ىشكى ءونىمنىڭ 90، يتاليادا - 120، يسپانيادا 100 پايىزدى قۇرايدى. ال ءبىزدىڭ قارىزىمىز نە ءبارى 13 ميلليارد دوللار عانا. ياعني، جالپى ىشكى ءونىمنىڭ 10 پايىزىنان دا تومەن»، - دەدى نۇرسۇلتان نازاربايەۆ.

وسى ورايدا مەملەكەت باسشىسى ەلىمىزدىڭ مەملەكەتتىك قارىزى ۇلعايىپ كەتپەۋىن ۇنەمى ءجىتى قاداعالاپ وتىراتىندىعىن ايتتى.

«ال بۇلار (قىتايلىق كومپانيالارمەن بىرلەسكەن جوبالار) مەنىڭ ۋاعدالاستىعىمنىڭ، جاقسى قارىم- قاتىناسىمنىڭ ارقاسىندا ورىن الىپ جاتىر. بيزنەسمەندەرگە جاقسى جول اشىپ بەرىپ وتىرمىن. ولارعا سەنەدى، ويتكەنى مەملەكەتكە سەنىم ارتادى. بۇل جوبالاردىڭ بارلىعى دا كوممەرتسيالىق، بيزنەس توپتاردىڭ اراسىندا جۇزەگە اسىرىلادى»، - دەدى ەلباسى.

نۇرسۇلتان نازاربايەۆ استانادا جەڭىل رەلستى ترامۆاي جوباسىنا عانا الىناتىن قارىز مەملەكەتتىكى ەكەندىگىن اشىق ايتتى.

«بۇل جەر ۇستىندەگى مەترو دەسەك تە بولادى. مۇنى سالۋ مەملەكەتتىڭ مىندەتتەمەسى. ويتكەنى، ينفراقۇرىلىمىن سالىپ، تەحنيكاسىن ەشكىم ساتىپ الا المايدى. ينفراقۇرىلىمدى مەملەكەت سالۋى ءتيىس»، - دەدى ق ر پرەزيدەنتى.