قىتايلىق بانىك قازاقستاندا وكىلدىگىن اشپاق
ونىڭ ايتۋىنشا، نۇرسۇلتان نازاربايەۆتىڭ قىتايعا مەملەكەتتىك ساپارى اياسىندا قازاقستان- قىتاي ىسكەرلىك كەڭەسىنىڭ 5 وتىرىسى ەكى ەلدىڭ بيزنەس وكىلدەرىنىڭ قاتىسۋىمەن وتكەن. شارا اياسىندا 13 ميلليارد دوللاردىڭ 40 تان استام كەلىسىمشارتىنا قول قويىلعان. ونىڭ ىشىندە 8,7 ميلليارد دوللاردىڭ 17 ينۆەستيتسيالىق، 1,6 ميلليارد دوللاردىڭ 8 قارجىلىق، 700 ميلليون دولللاردىڭ 7 سىرتقى ساۋدا قۇجاتى بار. مۇنان بولەك 8 كوممەرتسيالىق قۇجات تا راسىمدەلدى.
«قول قويىلعان قۇجاتتاردىڭ جارتىسى ينۆەستيتسيالىق سيپاتقا يە ەكەندىگىن اتاپ وتكەن ءجون. ءبىز قىتايلىق كومپانيالاردىڭ قايتا وڭدەۋ سەكتورىنا، لوگيستيكاعا، ينفراقۇرىلىم مەن اۋىل شارۋاشىلىعى ونىمدەرىن قايتا وڭدەۋگە مول ينۆەستيتسيا سالا باستاعانىن كورىپ وتىرمىز» ، - دەدى قور باسشىسى.
سونىمەن قاتار ول قازاقستاندا قىتايدىڭ ءۇش بانكى جۇمىس ىستەيتىندىگىن جانە تاعى ءبىر بانكى وكىلدىك اشۋعا نيەت تانىتىپ وتىرعانىن ايتتى.
«بۇگىندە قازاقستاندا قىتايلىق كاپيتالدىڭ قاتىسۋىمەن 3 كوممەرتسيالىق بانك جۇمىس ىستەيدى. سونىمەن قاتار بۇگىنگى شاراعا باسشىسى جيان گولين قاتىسىپ وتىرعان China Construction Bank ءوز وكىلدىگىن اشۋدى جوسپارلاۋدا. قىتايدىڭ كوممەرتسيالىق بانكتەرى تاياۋ ارالىقتا قازاقستاندا جۇمىس ىستەپ جاتقان قىتايلىق كاسىپورىنداردى عانا ەمەس سونىمەن بىرگە قازاقستاندىق كومپانيالاردى دا قارجىلاندىرادى دەپ ءۇمىت ارتامىز» ، - دەدى احمەتجان ەسىموۆ.