نۇرسۇلتان نازاربايەۆ تۋريزمنىڭ قىتايلىقتارعا تارتىمدى باعىتتارىن اتادى

 بەيجىڭ. قازاقپارات - بۇگىن قىتايعا مەملەكەتتىك ساپارى اياسىندا وسى ەلدىڭ بيزنەس كاپيتاندارىمەن كەزدەسكەن ەلباسى نۇرسۇلتان نازاربايەۆ قازاقستانداعى شەتەلدىك تۋريستەر ءۇشىن تارتىمدى باعىتتاردى اتادى، دەپ حابارلايدى قازاقپارات ءتىلشىسى.

«تۋريزمدى دامىتۋعا باسا ءمان بەرىلەدى. تۋريستىك سالانى دامىتۋ تۇجىرىمداماسى قابىلداندى. بۇل سالاداعى ىنتىماقتاستىقتىڭ باسىمدىققا يە باعىتتارىنىڭ قاتارىندا اڭشىلىق، بالىق اۋلاۋ، مادەنيەت، ءبىلىم بەرۋ، مەديتسينا جانە كينوتۋرزيم سالالارى بار دەپ ەسەپتەيمىز» ، - دەدى نۇرسۇلتان نازاربايەۆ.

ايتا كەتەيىك، ەلباسى نۇرسۇلتان نازاربايەۆ قىتايعا مەملەكەتتىك ساپارمەن كەلىپ، كەشە قحر ءتوراعاسى سي تسزينپينمەن كەڭەيتىلگەن قۇرامدا كەلىسسوزدەر وتكىزدى.

ناتيجەسىندە بىرنەشە قۇجاتقا قول قويىلدى.