بۇل تۋرالى ABC News باسىلىمىنا سىلتەمە جاساپ Stan.kz حابارلايدى.
2017 -جىلدىڭ قىركۇيەك ايىندا ماكگيننەسس امەريكالىق تەلەشوۋدىڭ ەپيزودىنا تۇسكەن. ول بۇعان دەيىن باس ميىنىڭ ىسىگى بويىنشا وتا جاساتقان ەكەن. فويگت ونىڭ قاتىسۋىمەن بولعان ەپيزودتى تەلەديداردان اڭداۋسىزدا كورىپ قالىپ، بىردەن ونىڭ موينىنداعى ىسىككە نازارى تۇسكەن.
«مەن پاتسيەنتتەردى تەكسەرۋگە ۇيرەنگەنمىن. مەن دارىگەرلىككە وقىپ جاتقان ستۋدەنتتەردى وقىتامىن. سوندىقتان موينىنداعى ىسىك بىردەن نازارىمدى تارتتى. وندا الدەنەنىڭ دۇرىس ەمەس ەكەنىن ءبىلدىم»، - دەيدى دارىگەر.
فويگت بويجەتكەنگە اسىعىستىق تانىتۋ قاجەت ەكەنىن بىردەن اڭعارعان. وعان شۇعىل تۇردە تەكسەرىلۋدەن ءوتۋ قاجەت ەدى. الايدا وتولارينگولوگ ونىڭ ەسىمىن دە، ماماندىعىن دا بىلمەگەن. سوندىقتان Facebook جەلىسىنىڭ قولدانۋشىلارىنان كومەك سۇراپتى.
دارىگەر باعدارلامانىڭ ءۇزىندىسىن جاريالاپ، ونداعى بويجەتكەندى بىلەتىندەردەن مالىمەت بەرۋىن سۇراعان.
«مەن شوۋدى كورىپ وتىرىپ، بۇل قىزدىڭ قالقانشا بەزىنەن ىسىكتى بايقادىم. وعان سونوگرامما مەن بيوپسيا قاجەت»، - دەپ جازعان ول.
ءبىراز ۋاقىتتان كەيىن فويگت بويجەتكەندى تاۋىپ، حابارلاسقان. باس ميىنىڭ ىسىگىنەن ەمدەلگەن قىز ەندىگى قالقانشا بەزىنىڭ قاتەرلى ىسىگىنە شالدىققانىن ءبىلىپتى.
قازىرگى ۋاقىتتا ناۋقاسپەن ءبىر توپ دارىگەر جۇمىس ىستەپ جاتىر.
ارتىنشا فويگت مەن ماكگيننەسس ومىردە العاش رەت كەزدەسىپ، وزگە تەلەباعدارلامانىڭ تۇسىرىلىمىنە قاتىستى. بويجەتكەن ءوز ءومىرىن قۇتقارىپ قالعان دارىگەرگە العىس ءبىلدىردى.
Stan.kz