ق ر پرەمەر- ءمينيسترى جۇمىس ساپارىمەن ماڭعىستاۋ وبلىسىنا كەلدى

ماڭعىستاۋ وبلىسى. قازاقپارات - مەملەكەت باسشىسىنىڭ تاپسىرماسىمەن ق ر پرەمەر- ءمينيسترى باقىتجان ساعىنتايەۆ جۇمىس ساپارىمەن ماڭعىستاۋ وبلىسىنا كەلدى،

 دەپ حابارلايدى قازاقپارات primeminister.kz سايتىنا سىلتەمە جاساپ.

ۇكىمەت باسشىسى اقتاۋ جانە جاڭاوزەن قالالارىندا ءبىرقاتار ونەركاسىپتىك جانە الەۋمەتتىك ينفراقۇرىلىم نىساندارىن تەكسەرىپ، وبلىستىڭ جۇرتشىلىعىمەن، اكتيۆىمەن جانە كاسىپكەرلەرىمەن كەزدەسەدى دەپ جوسپارلانعان.

پرەمەر- مينيستر جاڭاوزەندە ەلباسىنىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋى اياسىندا «وزەن مۇنايگاز» ا ق جاڭا وندىرىستىك بازاسىنىڭ مىسالىندا ءىرى ونەركاسىپتىك نىسانداردى سيفرلاندىرۋ بارىسىمەن تانىسادى.

جاڭاوزەن قالاسىن الەۋمەتتىك- ەكونوميكالىق دامىتۋدىڭ كەشەندى جوسپارىنا ەنگىزىلگەن «وزەن جىلۋ» م ك ك شاعىن- ج ە و نىسانىندا تۋربينالىق قوندىرعىنىڭ جۇمىس ىستەۋى جانە الداعى جىلۋ بەرۋ ماۋسىمىنا قازاندىقتىڭ دايارلىعى تەكسەرىلەدى.

پوليتەحنيكالىق كوللەدجدى ارالاۋ كەزىندە باقىتجان ساعىنتايەۆقا ءبىلىم بەرۋ جۇيەسىن سيفرلاندىرۋ بويىنشا قابىلدانىپ جاتقان شارالار تۋرالى باياندالادى. وسىندا قالا جۇرتشىلىعىمەن جانە اكتيۆىمەن الەۋمەتتىك- ەكونوميكالىق دامۋ، جاڭاوزەندى دامىتۋدىڭ كەشەندى جوسپارىن ىسكە اسىرۋ، كاسىپكەرلىكتى، تسيفرلاندىرۋدى كەڭەيتۋ جانە ودان ءارى دامىتۋ ماسەلەلەرى بويىنشا كەزدەسۋ وتكىزىلەدى.

اقتاۋعا جۇمىس ساپارىنىڭ باعدارلاماسىندا كاسىپكەرلەرگە قىزمەت كورسەتۋ ورتالىعىنىڭ جۇمىسىمەن تانىسۋ جوسپارلانعان. مۇندا شوب دامىتۋعا باعىتتالعان «ءبىر تەرەزە» قاعيداتى بويىنشا قىزمەت كورسەتۋ ساپاسىنا، جانە كاسىپكەرلىك قىزمەت تۋرالى جاڭا زاڭدى ىسكە اسىرۋعا دايىندىق ماسەلەلەرىنە باسا نازار اۋدارىلادى.

ماڭعىستاۋ وبلىسىنىڭ اكىمدىگىندە باقىتجان ساعىنتايەۆ وبلىس اكتيۆىمەن جانە بيزنەس وكىلدەرىمەن ءوڭىردى دامىتۋدىڭ وزەكتى ماسەلەلەرى مەن مەملەكەت باسشىسىنىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن ىسكە اسىرۋ ماسەلەلەرى بويىنشا كەزدەسۋ وتكىزەدى. كۇن تارتىبىندە - تەحنولوگيالىق جاڭعىرتۋ، تسيفرلاندىرۋ، ەكونوميكانى ودان ءارى ءارتاراپتاندىرۋ، كادرلاردى دايارلاۋ، ەڭبەك رەسۋرستارىن باسقارۋ جانە بيزنەستى دامىتۋ ماسەلەلەرى.

ەسكە سالا كەتەيىك، باقىتجان ساعىنتايەۆ مەملەكەت باسشىسىنىڭ تاپسىرماسى بويىنشا وڭىرلەرگە جۇمىس ساپارلارىن جالعاستىرۋدا. بۇعان دەيىن پرەمەر- مينيستر قىزىلوردا، وڭتۇستىك قازاقستان، اتىراۋ، قاراعاندى جانە قوستاناي وبلىستارىنا جۇمىس ساپارلارىمەن بارىپ قايتتى.

ماڭعىستاۋ وبلىسى - ونەركاسىپتىك ايماق. 2018 -جىلدىڭ قاڭتار- ءساۋىر ايلارىندا ونەركاسىپتىك ءونىم ءوندىرىسىنىڭ كولەمى 910 ميلليارد تەڭگەنى قۇرادى. ناقتى كولەم يندەكسى 2017 -جىلدىڭ ءتيىستى كەزەڭىمەن سالىستىرعاندا - 1,5. مۇناي ءوندىرۋ كولەمى وتكەن جىلدىڭ وسىنداي كەزەڭىمەن سالىستىرعاندا %1,6- كە ارتىپ، 5,9 ميلليون توننانى قۇرادى.

2018 -جىلدىڭ قاڭتار- ناۋرىز ايلارىندا وبلىستىڭ سىرتقى ساۋدا اينالىمى $950,9 ميلليون نەمەسە 2017 -جىلدىڭ ءتيىستى كەزەڭىمەن سالىستىرعاندا % 112,5- ءتى قۇرادى، ونىڭ ىشىندە تاۋارلار ەكسپورتى - $886,7 ميلليون (110,8 پايىز) قۇرادى.