حالىقتىڭ تەڭگەگە دەگەن سەنىمىن ارتتىرۋ قاجەت - قۇلىبايەۆ
«حالىق دەپوزيتتەرى قالىپتى دەڭگەيدە ءوسىپ كەلەدى. الايدا، وكىنىشكە قاراي دوللارلاندىرۋ دەڭگەيى بار. ياعني حالىق دەپوزيتتەرىندەگى جيناقتىڭ ءبىر بولىگى دوللارمەن ساقتالۋدا. بۇل تۇرعىدا حالىقتىڭ تەڭگەگە دەگەن سەنىمىن ارتتىرۋ قاجەت»، - دەدى ول.
بۇدان بولەك ت. قۇلىبايەۆ زاڭدى تۇلعالار دەپوزيتتەرىنە توقتالدى.
«ەڭ ۇلكەن دەپوزيتتەر كۆازيمەملەكەتتىك سەكتوردا. شىنىن ايتقاندا، كۆازيمەملەكەتتىك سەكتوردىڭ قارجىلىق جاعدايىن قاراستىرۋ كەرەك. سەبەبى ءبىز ۇنەمى قانداي دا ءبىر رەسۋرستاردى قولداۋعا بولەمىز. قارجىلىق جۇيەدە 6 تىريلليون تەڭگەگە تارتا قارجى كۆازيمەملەكەتتىك سەكتور دەپوزيتتەرى ەكەنىن كورىپ وتىرمىز. بۇل مەملەكەتتىك قارجى عوي. سەبەبى وسى سومالار قىسقا مەرمىزدى دەپوزيتتەردە جاتىر جانە ولار قورلاندىرۋ نەگىزى مەن ەكونوميكانى جاڭعىرتۋعا ءتيىستى دەڭگەيدە ىقپال ەتە المايدى. دەگەنمەن دە ولار ەكونوميكانى جاڭعىرتۋمەن اينالىسۋ ءۇشىن دامۋ ينستيتۋتتارى رەتىندە قۇرىلعان ەدى»، - دەدى تيمۋر قۇلىبايەۆ.
بۇعان دەيىن حابارلانعانداي، ۇ ك پ ءتورالقاسىنىڭ ءتوراعاسى نەسيە الۋشىلاردىڭ كوبەيۋىنە الاڭداۋشىلىق بىلدىرگەن بولاتىن.