قاراعاندىلىقتار ۆاتساپ الەۋمەتتىك جەلىسى ارقىلى جۇمىسقا ورنالاسۋدا

استانا. قازاقپارات - قاراعاندى تۇرعىندارى جۇمىس ىزدەۋ بارىسىندا WhatsApp موبيلدىك قوسىمشاسىن پايدالانا الادى.

قالالىق جۇمىسپەن قامتۋ ورتالىعى باستاعان الەۋمەتتىك جوبا ءوز ناتيجەلەرىن بەرە باستادى، دەپ حابارلايدى قازاقپارات وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

ورتالىقتىڭ اقپاراتىنشا، 5 مىڭعا جۋىق قالا تۇرعىندارى ەڭبەكپەن قامتۋ ماسەلەلەرىنە قاتىستى سۋالدارىنا جاۋاپتى ونلاين العان. ولاردىڭ 776 ى جۇمىسقا ورنالاستى.

«جوبا قالامىزداعى بوس جۇمىس ورىندارى تۋرالى اقپاراتتى قولجەتىمدى ەتەدى. جۇمىس ىزدەۋشىلەرگە ۇسىنىستار بازاسىمەن تانىسۋ ءۇشىن ۇيدەن شىعۋدىڭ قاجەتى جوق. ال جۇمىس بەرۋشىلەر بولسا، جىلدام تۇردە وزدەرىنە قاجەتتى كادرلاردى ىزدەپ تابا الادى»، - دەلىنگەن تاراتىلعان اقپاراتتا.

جۇمىس ىزدەۋ بويىنشا WhatsApp موبيلدىك قوسىمشاسىنىڭ ءنومىرى: 87756443580.