ا ق ش ۇلتتىق ونكولوگيا ۋنيۆەرسيتەتىنىڭ ماماندارى العاش رەت ءسۇت بەزى راگىنا شالدىققان ناۋقاستى ەمدەپ جازعاندارىن حابارلادى. اۋرۋمەن كۇرەسۋ ءۇشىن ولار ايەلدىڭ يممۋندىق جۇيەسىنىڭ جاسۋشالارىن پايدالانعان. بۇل ءادىس راكتىڭ سوڭعى ستادياسىندا ەم جۇرگىزۋگە ءتيىمدى بولىپ شىقتى. ەمدەۋ پروتسەسى Nature Medicine جۋرنالىنا شىققان ماقالادا تولىعىراق جازىلعان.
جاڭا ءادىستى بايقاپ كورمەس بۇرىن 49 جاستاعى دجۋدي پەركينس بىرنەشە حيميوتەراپيا الادى. ءبىراق ولاردىڭ بارلىعىنىڭ پايداسى جوق بولىپ شىعادى. وڭ جاق ومىراۋىنداعى ىسىك ءارى قاراي ءوسىپ، باۋىرى مەن وزگە اعزا مۇشەلەرىندە مەتاستاز باستالعان. دارىگەرلەردىڭ باعالاۋىنشا، ول بۇل دياگنوزبەن بىرنەشە ايدان ارتىق ءومىر سۇرە المايتىن ەدى.
دجۋدي پەركينسكە قولدانىلعان ءادىس راك جاسۋشالارىنىڭ مۋتاتسيالانۋى نەگىزىندە جۇرگىزىلدى. بۇل مۋتاتسيالار زاقىمدالعان جاسۋشالاردىڭ بەتكى قاباتىنداعى اقۋىزدارعا اسەر ەتە الادى. ادام اعزاسىنىڭ يممۋندىق جۇيەسى ەرەكشە اقۋىزداردى بىردەن تانيدى جانە راك جاسۋشالارىنا قارسى جاۋاپ قايىرادى. ءبىراق ادەتتە ىسىكتى ەمدەپ جازۋ ءۇشىن بۇل رەاكسيا جەتكىلىكسىز.
ونكولوگتار بيوپسيانىڭ كومەگىمەن ناۋقاستىڭ د ن ق- سىن زەرتتەپ، اقۋىزدىڭ پايدا بولۋىمەن بايلانىستى مۋتاتسياعا ۇشىراعان جاسۋشالاردى انىقتادى. كەيىن عالىمدار ليمفوتسيتتەردى (tumour infiltrating lymphocytes, TILs) زەرتتەدى. ولار ادەتتە قان اينالىمى ارقىلى ىسىك جاسۋشالارىنا قوسىلىپ، ولارمەن كۇرەسەدى. كەيىن ەرەكشە اقۋىزداردى بىردەن تانيتىن 80 ميلليارد TILs تاڭداپ الىپ، ناۋقاستىڭ اعزاسىنا كىرگىزدى. سونداي- اق، ناۋقاس وسى كەزدە پەمبروليزۋمابپەن تەراپيا وتكەندى. بۇل مونوكلونالدى انتيدەنەلەر نەگىزىندە جاسالعان قۇرىلعى.
ونكولوگ مامانداردىڭ ايتۋىنشا، وسى ەكى ءادىستى قوسۋ ارقىلى ولار ءسۇت بەزى راگى اسقىنعان ايەلدى ەمدەپ جازدى. بۇل تاجىريبەنىڭ العاش جۇرگىزىلگەن كۇنىنەن باستاپ 42 اپتا وتكەن. ياعني باستاپقىدا دارىگەرلەر ناۋقاس بىرنەشە اي عانا ءومىر سۇرەدى دەگەننەن 2 جىل ۋاقىت ءوتتى.
Baq.kz