پروبلەما مەن قاتەلىك جەتىپ ارتىلادى - نازاربايەۆ
ايتا كەتەيىك، بۇگىن استانادا قازاقستان پرەزيدەنتى جانىنداعى شەتەلدىك ينۆەستورلار كەڭەسىنىڭ XXXI پلەنارلىق وتىرىسى ءوتىپ جاتىر. «تاۋەلسىزدىگىمىزدى العاننان كەيىن قيىن جىلداردى وتكەردىك، داعدارىس پەن كەڭەس وداعىنىڭ قۇلدىراۋىنىڭ كەيىن قيىن كەزەڭدەردى وتكەردىك. قازاقستان بىردە- ءبىر رەت رەپرەسسياعا جول بەرمەدى، مۇنىڭ بارلىعى ءبىزدىڭ دوستارىمىزدىڭ ارقاسىندا، سولارمەن بىرگە قابىلداعان شەشىمدەردىڭ ارقاسىندا. ءبىراق پروبلەما جەتەدى، قاتەلىكتەر دە جەتكىلىكتى. جاسالاتىن جۇمىس تا ءالى كوپ»، - دەدى پرەزيدەنت ينۆەستورلارعا.
سونداي-اق، مەملەكەت باسشىسى فورۋم قاتىسۋشىلارىنا جەمقورلىققا قارسى كۇرەسۋدە بىرگە جۇمىس ىستەگەنىنە العىسىن ءبىلدىردى.
«سىزدەر قيىن كەزەڭدەردە بىزگە كەڭەس ايتىپ وتىردىڭىزدار، ءبىز سول كەڭەستەردى تىڭداپ، زاڭنامامىزدى تۇزەتە وتىرىپ، بىرگە شەشىم قابىلداپ جۇردىك. سىزدەرسىز مۇنداي ارەكەتتەر جاساۋ قيىنعا سوعار ەدى، سىزدەردىڭ تاجىريبەلەرىڭىز بىزگە زور كومەك بولدى. بۇل كەڭەس - ەلدەگى ەكونوميكالىق ەڭ ماڭىزدى ماسەلەلەردى تالقىلاۋعا ارنالعان الاڭ. وسى كەڭەستىڭ بىزگە قوسقان ۇلەسى ايتارلىقتاي، جالپى، ەلىمىزدىڭ ەكونوميكاسىن دامىتۋداعى ۇلەسى. سىزدەردىڭ بارلىقتارىڭىزعا وسى جىلدارى بىرگە قىزمەت ەتكەندەرىڭىز ءۇشىن العىس ايتامىن»، - دەدى پرەزيدەنت.