مەملەكەتتىڭ ءار تيىنى ناتيجەلى جانە ءتيىمدى جۇمسالۋ كەرەك - نۇرلان نىعماتۋلين
«ەلباسىمىز ايتقانداي، «مەملەكەتتىڭ اقشاسى - ول حالىقتىڭ اقشاسى». سوندىقتان، ونىڭ ءاربىر تيىنى ناتيجەلى جانە ءتيىمدى جۇمسالۋ كەرەك. بۇل ءبىزدىڭ جۇمىسىمىزدىڭ ەڭ نەگىزگى باعىتتارىنىڭ ءبىرى. وسى جولدا بۇگىن ءوزىمىز كۋا بولعانداي، اتقارىلىپ جاتقان جۇمىستار وتە كوپ. ءبىراق تا، كەيبىر كەمشىلىكتەر ءالى دە بار. ونىڭ بارلىعى بۇگىنگى تالقىلاۋ كەزىندە ايتىلدى. سونىمەن بىرگە، دەپۋتاتتارىمىز كوپتەگەن ۇسىنىستاردى دا جەتكىزدى. الداعى جۇمىستا ۇكىمەت تە، ەسەپ كوميتەتى دە وسى ۇسىنىستاردى ەسكەرۋ قاجەت دەپ ەسەپتەيمىز، - دەدى نۇرلان نىعماتۋلين.
ءماجىلىس ءتوراعاسى اتاپ وتكەندەي، تالقىلاۋ بارىسىندا دەپۋتاتتار ەلباسىنىڭ بيۋدجەت قارجىلارىن جوسپارلى جۇمساۋعا بايلانىستى تاپسىرماسىن باسشىلىققا الدى.
اتاپ ايتقاندا، جالپى وتىرىس بارىسىندا ەسەپتى تالقىلاۋ بىرنەشە ساعاتقا سوزىلدى. وسى رەتتە وتكەن جىلعى بيۋدجەتتىڭ اتقارىلۋىنىڭ جەتىستىكتەرى مەن كەمشىلىكتەرى جان- جاقتى ايتىلدى.
بۇدان بۇرىن حابارلانعانداي، نۇرلان نىعماتۋلين قازاقستاننىڭ ماماندارى اتقارا الاتىن جۇمىستارعا شەتەلدىك كەڭەسشىلەردى شاقىرتۋدى دوعارۋ كەرەكتىگىن ايتتى.
سونىمەن قاتار ق ر قارجى ءمينيسترى باقىت سۇلتانوۆ ءمالىم وسى جىلدىڭ تامىز ايىندا Blockchain تەحنولوگياسىن قولدانۋ ارقىلى جاڭا جوبانىڭ تۇساۋكەسەرى وتەتىنىن جەتكىزدى.
اۆتور: رۋسلان عابباسوۆ