«سىزدەر ناۋقاسپەن بايلانىستا بولعاندارمەن جان- جاقتى جۇمىس جۇرگىزگەندەرىڭىزدى قالايمىز. ءاربىر وڭىردە تەتىكتەرى ايقىندالعان. اۋلالاردى ارالايتىندىقتارىڭىزدى نەمەسە ۇيىمداستىرىلعان توپپەن ۇيلەرگە باراتىندىقتارىڭىزدى بىلەسىزدەر. قازىر ءبىز دەرتتىڭ سالدارىمەن كۇرەسىپ جاتىرمىز. ەڭ الدىمەن سەبەبىمەن انىقتاۋىمىز قاجەت ەدى» ، - دەدى تامارا دۇيسەنوۆا «نۇر وتاننىڭ» ورتالىق اپپاراتىندا بارلىق وڭىرلەرمەن بەينەكونفەرەنتسيا ارقىلى وتكەن جيىندا.
ونىڭ ايتۋىنشا، ۋچاسكەلىك دارىگەردەن باستاپ وبلىستىق دەنساۋلىق ساقتاۋ باسقارماسىنىڭ باستىعىنا دەيىن بۇل جۇمىسقا جۇمىلدىرىلۋى ءتيىس. سونىمەن قاتار تامارا دۇيسەنوۆا «نۇر وتاننىڭ» بارلىق فيليالدارىنىڭ ءبىرىنشى باسشىلارىن جۇقپادان قازا تاپقاندارمەن بايلانىستا بولعانداردىڭ ءجىتى تەكسەرىلۋىن نازاردا ۇستاۋى قاجەتتىگىن باسا ايتتى.
«بايلانىستا بولعاندار ەلىمىز بويىنشا كوپ ەمەس، 4 مىڭ ادامدى قۇرايدى. ولاردى تەكسەرۋ قالاي ءجۇرىپ جاتىر جانە قاجەت بولسا اۋرۋحاناعا جاتقىزىلۋىن قامتاماسىز ەتۋ قاجەت. ءدارى- دارمەك قور مەن رەزەرۆتىك توسەك- ورىنعا قاتىستى ماسەلەسى شەشىلگەن دەپ ويلايمىن. دارىگەرلەرگە كەڭەس بەرۋ ءۇشىن رەسپۋبليكالىق دەڭگەيدە بارلىق تەلەكوممۋنيكاتسيالىق تەحنولوگيالاردى ىسكە قوسقان ءجون بولار. مەديتسينا قىزمەتكەرلەرىنە نۇسقاۋلىق بەرىپ، حالىقتى جاپپاي اقپاراتتاندىرۋ قاجەت» ، - دەدى پارتيا حاتشىسى.
سونىمەن قاتار تامارا دۇيسەنوۆا مەنينگوكوككە شالدىققانداردىڭ بارلىعىن ءبىر انتيبيوتيكپەن ەمدەۋگە بولمايتىندىعىن ايتقان ەدى.