سەمەيلىك ستۋدەنتتەر وڭتۇستىك كورەيادا تەگىن وقيدى
08:12, 05 - ماۋسىم 2018
سەمەي. قازاقپارات - شاكارىم اتىنداعى سەمەي مەملەكەتتىك ۋنيۆەرسيتەتىنىڭ 29 ستۋدەنتى وڭتۇستىك كورەيانىڭ سوكچو قالاسىنداعى كيۋڭدوڭ ۋنيۆەرسيتەتىندە تەگىن جازعى كۋرستارعا قاتىسادى، دەپ حابارلايدى «قازاقپارات» ح ا ا ءتىلشىسى.
ستۋدەنتتەر وڭتۇستىك كورەياعا شاكارىم جانە كيۋڭدوڭ ۋنيۆەرسيتەتتەرى جاساسقان ەكىجاقتى مەموراندۋم اياسىندا بارىپ قايتادى.
ءۇش ايلىق كۋرستاردا قازاقستاندىق ستۋدەنتتەر حالىقارالىق بيزنەس، كومپيۋتەرلىك تەحنولوگيالار، كورەي ءتىلى مەن ادەبيەتى پاندەرى بويىنشا وقيدى.
6 -ماۋسىمدا پەداگوگتار ءوز ستۋدەنتتەرىن الىس ساپارعا شىعارىپ سالادى.
اتالعان شارالار «رۋحاني جاڭعىرۋ» باعدارلاماسى اياسىندا ىسكە اسىرىلىپ جاتىر.