بۇل تۋرالى AFP باسىلىمىنا سىلتەمە جاساپ Stan.kz حابارلايدى.
پەنكا اتتى سيىر بولگارياداعى كوپيلوۆتسى اۋلىندا جايىلىپ جۇرگەن. ءبىراز ۋاقىتتان كەيىن جانۋار بولگاريا مەن سەربيانىڭ شەكاراسىنا جەتىپ، ەۋرووداق اۋماعىنان شىعىپ كەتكەن.
سيىردى تاۋىپ العان جەرگىلىكتى فەرمەرلەردىڭ ءبىرى ونى يەسىنە قايتارىپتى. ءوز كەزەگىندە سەربيالىق مال دارىگەرى پەنكانىڭ دەنساۋلىعى جاقسى ەكەنىن ايتقان. الايدا بولگاريا ۇكىمەتى جانۋاردىڭ شەكارانى زاڭسىز كەسىپ وتكەنىن، سوندىقتان زاڭ بويىنشا ونى ءولىم جازاسىنا كەسۋ كەرەكتىگىن مالىمدەدى.
ءوز كەزەگىندە ۇكىمەتتىڭ مۇنداي شەشىمى سيىردىڭ يەسىنىڭ نارازىلىعىن تۋدىردى. ول شەكارادان اسىپ بارا جاتقان پەنكانى ەشكىمنىڭ توقتاتپاعانىن ايتىپ اشۋلاندى. شەكارادان ءوتىپ بارا جاتقان سيىردى بايقاماي قالۋ مۇمكىن ەمەس، دەيدى ول. سونىمەن قاتار ول سيىرىنىڭ 3 ايدان كەيىن تولدەيتىنىن ايتتى.
اگەنتتىك مالىمەتىنشە، بيلىك وكىلدەرى پەنكانى ەۋرووداق زاڭدارىنان قورعاپ قالۋ مۇمكىن ەمەس ەكەنىن مالىمدەدى.
«بۇل بىزگە بايلانىستى ەمەس. ءبىز بريۋسسەلدىڭ ەرەجەلەرىنە باعىنامىز» ، - دەيدى بولگاريالىق مال دارىگەرلىك قىزمەت وكىلى.