اق ۇيدە 20 جىلدان بەرى ءداستۇرلى تۇردە اۋىزاشار ۇيىمداستىرىلىپ كەلە جاتقان بولاتىن، بۇل ءداستۇردى بىلتىر ترامپ بۇزعان ەدى.
اۋىزاشار سەيسەنبى، 5 - ماۋسىمعا جوسپارلانعان. ءىس- شارانىڭ جوسپارى، شاقىرىلعان قوناقتار ازىرگە جاريالانعان جوق.
ءداستۇر بويىنشا اۋىزاشاردى ا ق ش پرەزيدەنتى مەن ەلدىڭ ءبىرىنشى حانىمى وتكىزەدى. ازىرگە كەشكى اسقا مەلانيا ترامپتىڭ قاتىساتىنى بەلگىسىز. ول 10 - مامىردا بۇيرەگىنە وتا جاسالعاننان كەيىن حالىقتىڭ الدىنا شىققان جوق.
بىلتىر اق ءۇي رامازانداعى كەشكى استى ۇيىمداستىرماۋىنا بايلانىستى سىنعا قالعان ەدى، دەپ جازادى Politico. اۋىزاشار بەرۋ ءداستۇرىن ءوز ۋاقىتىندا اقش پرەزيدەنتتەرى بيلل كلينتون، كىشى دجوردج بۋش جانە باراك وباما قولداعان بولاتىن.
وتكەن ايدا ترامپ ا ق ش- تاعى جانە بارلىق الەمدەگى مۇسىلمانداردى قاسيەتتى ايمەن قۇتتىقتادى.