قىتاي قازاق استىعىن كوپتەپ ساتىپ الۋعا مۇددەلى

 استانا. قازاقپارات - قىتاي قازاقستاننىڭ استىعى، كۇنباعىس پەن زىعىر مايى يمپورتىن ارتتىرۋى قاجەت. مۇنداي پىكىردى قىتاي استىق جانە مايلى داقىلدار ينستيتۋتىنىڭ باس حاتشىسى ۆان ليرون ءبىلدىردى، دەپ حابارلايدى قازاقپارات ءتىلشىسى.

«قازاقستانعا ساپارىمىزدىڭ نەگىزگى ماقساتى - قاۋىمداستىعىمىزدى تانىستىرۋ بولىپ سانالادى. سونىمەن قاتار ءبىز ەلدەرىمىز اراسىنداعى ازىق- تۇلىك پەن اگروونەركاسىپ كەشەنى سالالارىنداعى ءوزارا قارىم- قاتىناسىنا ايتارلىقتاي ۇلەس قوسۋعا ۇمتىلامىز. اگروونەركاسىپ كەشەنى سالاسىنىڭ تاۋلارلارى ەكىجاقتى باعىتتا دا كەدەرگىسىز ءوتىپ، ەلدەرىمىز اراسىندا اينالىمدا بولۋى قاجەت دەپ ەسەپتەيمىز. اسىرەسە، قازاقستاننان قىتايعا قازاقستاندىق استىق، كۇنباعىس جانە زىعىر مايى سىندى تانىمال ونىمدەردىڭ يمپورتىن ارتتىرۋدى قالايمىز» ، - دەدى ول ەلوردادا وتكەن « ءبىر بەلدەۋ - ءبىر جول» باعدارلاماسىن جۇزەگە اسىرۋ اياسىنداعى قازاقستان مەن قىتاي وكىلدەرىنىڭ دوڭگەلەك ۇستەل وتىرىسىندا.

 كەزدەسۋ بارىسىندا وتكەن جىلدىڭ قازان ايىندا استانادا ۇيىمداستىرىلعان Agro Invest Forum شاراسى بارىسىندا قول جەتكىزىلگەن كەلىسىمدەردى جۇزەگە اسىرۋدىڭ ارالىق قورىتىندىسى قارالدى.

ۇيىمداستىرۋشىلاردىڭ ايتۋىنشا، بۇل شارا قازاقستاندىق اۋىل شارۋاشىلىعى تاۋلارلارىن وندىرۋشىلەر مەن قىتايلىق ينۆەستورلار اراسىنداعى ىنتىماقتاستىقتى دامىتۋعا جانە نىعايتۋعا باعىتتالعان.

 

اۆتور: مارلان جيەمباي