الماتىدا «اعا» تەلەحيكاياسى ءتۇسىرىلىپ جاتىر
بالالار ۇيىندە تاربيەلەنىپ، وجەتتىگىنىڭ ارقاسىندا ىشكى ىستەر سالاسىندا قىزمەت ەتىپ جۇرگەن بوران قارىنداسى ۇلپاندى قىلمىسكەرلەردىڭ قولىنان قۇتقارۋ ءۇشىن بورىلەردىڭ توبىنا ءوز ەركىمەن ەنەدى.
ەرىك حاميدوللايەۆ، اكتەر:
- كەيىپكەرىمنىڭ مىنەزى مەنىڭ مىنەزىمە ۇقسايدى. بار وزگەرىستەر. ول وتە تۇيىق، كوپ سويلەمەيتىن، ىسپەن عانا ءبارىن ىستەيدى، دالەلدەيدى. قارىنداسىن الىپ كەتكەننەن كەيىن قۇتقارۋ ءۇشىن ءارتۇرلى ارەكەتتەر ىستەيدى. قولىنان كەلگەننىڭ ءبارىن.
تىڭ تاقىرىپقا تۇرەن سالعان رەجيسسەر الماس فازىل اكتەرلەر قۇرامىن دا ەرەكشە تالاپپەن تاڭداپتى. بالالىعى جەتىمدەر ۇيىندە وتكەن ۇلپاننىڭ ۇركەك ءارى تىم ساق مىنەزىن ويناۋدى نازەركە مارات قىزىنا سەنىپ تاپسىرعان.
الماس فازىل، رەجيسسەر:
- مەن ىزدەگەن كەيىپكەرىم تابيعي سۇلۋلىعىمەن ەرەكشەلەنۋى كەرەك بولعان. ءالى اۋزىنان بالا ءسۇتى كەتپەگەن دەيدى عوي. كۇزدە ول قىزدى ارنايى ءۇش اي ىزدەپ ءجۇرىپ تاپتىم. جۇرگەنوۆ اتىنداعى ونەر اكادەمياسىنىڭ كوللەدجىنەن تاپتىق.
16 بولىمنەن تۇراتىن «اعا» تەلەحيكاياسى «حابار» تەلەارناسىنىڭ كۇزگى ماۋسىمىندا كورەرمەندەر نازارىنا ۇسىنىلاتىن بولادى.
www.24.kz