تۇرسىنبەك قاباتوۆ استانادا جاڭادان اشىلاتىن تەاترعا جەتەكشىلىك ەتەدى
«بيىل ءبىز مادەنيەت جانە سپورت مينيسترلىگى ۇيىمداستىرىپ وتىرعان «كوشپەندىلەر الەمى» ەتنوفەستيۆالىنىڭ نەگىزگى سەرىكتەسىمىز. ول قازاق حالقى مەن بارلىق تۇركى الەمىنىڭ تاريحي جانە مادەني قۇندىلىقتارىن ناسيحاتتاۋعا ارنالعان. ءبىلىم كۋلتىن ناسيحاتتاۋ جانە جاستار اراسىندا سانانىڭ اشىقتىعىن قالىپتاستىرۋ ماقساتىندا الەۋمەتتى از قامتىلعان وتباسىلاردان شىققان 4 مىڭ بالاعا تەگىن ابونەمەنتتەر بەرىلدى»، - دەدى ول «رۋحاني جاڭعىرۋ» باعدارلاماسىن جۇزەگە اسىرۋ تۋرالى و ك ق- دا وتكەن باسپا ءسوز ءماسليحاتىندا.
اكىمنىڭ ايتۋىنشا، ەلوردا ءۇشىن تاعى ءبىر ماڭىزدى جاڭالىق - ەكسپو كورمەسىندەگى «ەنەرگيا حولل» عيماراتىندا جاڭا ساتيرا جانە ءازىل تەاترىنىڭ اشىلۋى. تەاتردىڭ كوركەمدىك جەتەكشىسى تۇرسىنبەك قاباتوۆ بولماق.
«ەلباسىنىڭ تاپسىرماسىمەن «رۋحاني جاڭعىرۋ» باعدارلاماسى اياسىندا استانادا قازاق دراما تەاترىنىڭ جاڭا عيماراتى بوي كوتەرەدى. قازىرگى ۋاقىتتا مادەنيەت جانە سپورت مينيسترلىگىمەن بىرگە وسى باعىتتا جۇمىستار جۇرگىزىلۋدە. بۇدان بولەك، قاسيەتتى ورىنداردى ساقتاۋ ماقساتىنا تاريحي جانە مادەني نىساندارعا رەستاۆراتسيا جۇمىستارى جۇرگىزىلدى. ولار «ماڭگىلىك ەل» تريۋمفالدى اركاسى، «بايتەرەك» مونۋمەنتى، ورىس اكادەميالىق دراما تەاترىنىڭ عيماراتى، «اتامەكەن» قازاقستان كارتاسى ەتنومەماوريالدى كەشەنى»، - دەدى قالا باسشىسى.
اۆتور: ايان بەكەن ۇلى