جوعارعى سوت ءتوراعاسى سوت شەشىمىنە بايلانىستى ستاتيستيكانى سىنعا الدى
«سوت جۇيەسىن قوعام سىناپ جاتسا، سۋديالاردىڭ جۇمىسى ساپاسىز دەپ بىزگە سىن ايتسا، كوبىنەسە مويىندامايمىز، كەلىسپەيمىز، ءوزىمىزدى اقتاي باستايمىز. سوتتىڭ، سۋديالاردىڭ جۇمىسى وتە ساپالى، سەبەبى سوتقا قاتىسۋشىلاردىڭ %5 عانا ارىزداندى دەپ ستاتيستيكادان دەرەكتەر كەلتىرەمىز. سوندا � جاعدايدا سوتتالعاندار نەمەسە جابىرلەنۋشىلەر، پروكۋرورلار، ازاماتتار جوعارى ساتىعا جۇگىنبەدى، سوت ۇيعارىمىمەن كەلىسەدى، جوعارى ساتىلاردا وزگەرتىلەتىن، بۇزىلاتىن سوت اكتىلەرىنىڭ سانى 1 پروتسەنتكە دە جەتپەيدى (%0,7) دەيمىز. ارينە، وسى سيفرلاردى كەلتىرىپ، سوت جۇمىسى جايلى وڭ پىكىر قالىپتاسىرۋعا بولادى. ءبىراق، وسى ستاتيستيكانى جىكتەپ قارار بولساق، مۇلدەم باسقا كارتينا كورەر ەدىك»، - دەدى جاقىپ اسانوۆ جوعارعى سوتتا وتكەن «سوت شەشەندىگى: وقىتۋ جانە تاجىريبە ماسەلەلەرى» حالىقارالىق كونفەرەنسياسىندا.
ونىڭ ايتۋىنشا، قىلمىستىق، ازاماتتىق، اكىمشىلىك ىستەردى ءبولىپ قاراستىرۋ ارقىلى شىنايى ستاتيستيكانى كورۋگە بولادى.
«ءىستىڭ دە ءار ءتۇرى بار. داۋلى ىستەر بار، داۋسىز ىستەر بار. ولاردىڭ ءبىرقاتارى مامىلەمەن اياقتالادى. ال بۇيرىق وندىرىسىندە ءتىپتى پاتەراقى قارىزى، تۇرعىن-ءۇي كوممۋنالدىق ماسەلەلەر جونىندە شەشىم شىعارىلادى. بۇل جونىندە ەشكىم جوعارى ساتىعا شاعىمدانبايدى. شىن مانىندە، قىلمىستىق ىستەر بويىنشا شىعارىلعان ۇكىمدەردىڭ 0 ىنە شاعىم تۇسكەن، دەمەك ءاربىر ءۇشىنشى ۇكىمگە حالىقتىڭ كوڭىلى تولماعان. ازاماتتىق ىستەردىڭ ىنە شاعىم تۇسكەن، جوعارىدا ايتىلعانداي %5 ەمەس»، - دەدى ول.
اسانوۆتىڭ ايتۋىنشا، 2017 -جىلى قازاقستاندا قىلمىستىق جانە ازاماتتىق ىستەر بويىنشا ۇكىمدەر مەن شەشىمدەردىڭ 20,4 پروتسەنتىنە شاعىم تۇسكەن. دامىعان ەلدەردە بۇل كورسەتكىش %1، %7، %6 تى عانا قۇرايدى.
«وسىلايشا، داۋلى ىستەرگە داۋسىز ىستەردىڭ سانىن قوسىپ، جۇمىسىمىزدى جىلتىراتىپ وتىرمىز. ءبىراق، «اۋرۋىن جاسىرعان ولەدى» دەگەندەي، مۇنى قوعامعا اشىق ايتۋىمىز كەرەك. سوندا عانا ماسەلەنى ەرتەرەك قولعا الىپ، جاعدايدى جاقسارتا الامىز»، - دەپ ءسوزىن تۇيىندەدى جاقىپ اسانوۆ.